نيهاوي
05-11-2022 - 02:06 am
السلام عليكم يا جماعه انا من زمان حاب البزنس واحترت بين الصين و تايلند وبالأخر رسيت على تايلند بروح اييب بضاعه شغلات مو دارجه غريبه مابي سوالف تقليد لأن الكل استهلكها المهم
انا باخذ قرض 2000 دينار غيير ان انا اصلا علي قرض >> الله يفكنا من شر القروض يارب
تهقوون لو بييب بضاعه غير التذاكر والفندق كله بهال 2000 دينار كويتي تكفي ولا استريح
ابي شوركم يا تجار بانكوك
خاصه لاحظت كم واحد يروح تايلند ييب العود الازرق و دهن عود سيوفي ومسترزق الله الحمد الله تأيدوني ولا لا؟؟؟
نصيحة العود ودهن العود لاتتاجر فيها وخاصة اذا البضاعة من تايلند لانها الكثير منها بتلقها مغشوشه مب اصليه وخاصة اذا انت ماعندك خبرة فيها ،،، اذا انت خاطرك بتجارة فعليك بتجارة النعل مثل المندوس وانطونيو وفارس بتلقها النوعيه الممتازرة وجلد تقريبا من 1000 بات وحتى 1500 بات تقريبا واذا كانت بالجملة بتلقها اقل بعد وخاصة رمضان قريب والعيد بعده وبعد عند شنط وساعات التقليد هذخ التجارة الزينة هالايام .