الله ينولكم اللي ببالكم ساعدوني

goknd

21-12-2022 - 10:20 am

انا حجزت الفنادق بس بدون مااكتب ان معي اطفال انا معي 2 كلهم اصغر من 8 سنواتوخايفه يكون فيه مسائله لما اروح هناك الله يخليكم طمنو قلبي وعلى فكره مو مهم يوفرون اسره للاطفال علما اني حجزت في رويال شولان وقراند ملينيوم في كوالا
قولدن ساندس وبارك رويال في بينانق
وعندي سؤال ثاني
انا الغيت حجز من اقودا لازم اراجعهم عشان ترجع الفلوس والا مايحتاج وكم تاخذ وقت لين ترجع وعندي سؤال ثالث
انا بروح لكوالا وبعدها بروح جنتنق وبعدها للمطا حبيت اسال عن سعر التكسي من جنتنق للمطار
وشاكر للجميع

التعليقات (9)

وافي بزمن جافي

21-12-2022 - 12:45 pm

ياهلا بأختنا الغالية
أبشرك : نظام الفنادق يسمح بدخول الأطفال تحت ( 12 سنة ) مع والديهم في الغرفة
راح يلزمونكم بسرير أضافي مقابل رسوم معينة ... أو يسوون ( ترقية ) للغرفة إلى غرفة أكبر
لاتشيلي هم أبدآ ... حجوزاتك تمام ... والفنادق ماراح تتكلم أبدآ ... لأن النظام يسمح أصلآ
ومبلغ ( أقودا ) يرجع بعد أسبوعين بالضبط ... والأفضل تذكيرهم برسالة على إيميلهم
وسعر التاكسي من ( جنتنغ ) للمطار ( 150 رنقت ) والمسافة ( ساعة وربع ) ...
وأي سؤال ثاني وأنا أخوكِ ... كلنا بالخدمة وحاضرين

goknd

21-12-2022 - 01:46 pm

الله يرفع قدرك بس اذا مافيه كلافه عليك كم المبلغ المتوقع اللي راح يطلبونه الفندق للاطفال

وافي بزمن جافي

21-12-2022 - 02:47 pm

الله يجزاك خير أختنا الكريمة ...
طبعا سياسة الفنادق تختلف من فندق لأخر ...
فيه فنادق لاتوفر إلاسرير واحد فقط .... مقابل رسوم معينة ( 80 رنقت ) تقريبآ في الليلة
وبعض الفنادق توفر سرير مجانا ... وهذا شاهدته بعيني مع ( عديلي ) في رحلتنا الأخيرة
معه ولده عمره ( خمس سنوات ) أعطوه سرير مجانا في كل الفنادق إلا فندق واحد ( بمقابل )
وبعض الفنادق لاتوفر سرير حتى بمقابل ... لكن مافي مشكلة ... دبروا وضعهم بأي شكل ... سهالة بأذن الله

goknd

21-12-2022 - 03:48 pm

الف شكر لك اخي الفاظل وافي ماقصرت الله ينولك اللي ببالك يارب .....

المغادرون 2007

21-12-2022 - 04:49 pm

goknd
أهم شيء يا أختي قبل لا تلغين تأكدي من شروط الحجز وأن الإلغاء متاح والمبلغ مسترد
الشيء الآخر نصيحتي أن لا تجعلين جنتنق آخر شيء لأن بيكون معكم شنط وعفش وائماً أفضل شيء تكون الأيام الأخيرة في كوالا علشان التسوق ومنها على المطار
فالأفضل يكون مسار رحلتك : سلانقور - بينانج - جنتنق - كوالا
وموفقين إن شاء الله

goknd

21-12-2022 - 05:50 pm

شكرا اخي المغادرون بس انا خط سير رحلتي صن وي لقون 24 مايو الى 26 مايو كوالا 26 مايوالى31 مايو
جنتنق 31 الى2
بينانق2 الى6
وانا ان شاء الله بطلع من بينانق لفوكت تايلند
عشان كذا حطيت جنتنق بعد كوالا وانا اهم شي ماتكون جنتنق وصن وي لقون ايام اجازه
بالنسبه للفندق كل حجزي مسترجع خليته
وشكرا لك اخي المغادرون الله يسعد حياتك كما اسعدتني بمرورك .....

المغادرون 2007

21-12-2022 - 06:51 pm

اللهم آمين وإياك إن شاء الله
إذن أنتم رايحين تايلاند وأكيد بتتسوقن منها
إذا كان كذا إذن موفقين إن شاء الله

goknd

21-12-2022 - 07:52 pm

السلام عليكم ورحمة الله وبركاتهعندي استفسار بسيط عن الحجز على سعر طيران اير اسيا وهل انا ماشيه مضبوط والسعر يشمل كل حاجه والا باقي اشياء ثانيه مو مكتوبه
اله يعطيكم الصحه والعافيه
DepartAK 5362 Kuala Lumpur (KUL) to Penang (PEN)Saturday, 2 June 2012Depart 1335 Arrive 1430Promo (KUL - PEN)136.00 MYR2 Guest @ 68.00 MYR136.00 MYR2 Child @ 68.00 MYR40.00 MYRCheck-In Baggage - up to25kg40.00 MYRCheck-In Baggage - up to25kg25.00 MYRCheck-In Baggage - up to 20kg25.00 MYRCheck-In Baggage - up to 20kg24.00 MYRAirport Tax60.00 MYRFuel SurchargeOther taxes/fees120.00 MYRSeat fees606.00 MYRTotal

goknd

21-12-2022 - 08:53 pm

لو سمحتو ردو علي عن الحجز اعتمده لاني ناويه اكمل حجوزاتي علما اني ماحجزت المقاعد صراحه كل شوي طالعين علي بسعر وانا مو عارفه ياليت تيفيدوني وبالنسبه للي مكتوب 120 حقت ايش هي للمقاعد او حاجه ثانيه
ومشكورين مقدما

كوالالمبور المسافرون العرب

الله ينولكم اللي ببالكم ساعدوني