المده قصيره اشوف انك من الافضل الاستغناء عن باندوق وتكون مقسمه مابين بونتشاك وجاكرتا

floweroflove
وانا اقترح انه
اول يوم الوصول جاكرتا
وبعدها اروح على باندونق 3 ايام
بونشاك 2
وارجع لجاكرتا يومين والثالث السفر
وابعى منكم احسن فنادق في جاكرتا وتكون قريبه من المولات واسعراها حلوه
وايش اماكن الاوت فيكتوري للشنط والماركات العالمية الاصليه والتقليد درجه اولى
واحسن فندق في باندوق و الجبل فندق النوافير زي مااتفضل اخونا المعري جزاه الله الخير
واتمنى انكم تساعدوني جزاكم الله خير
مرحبا بك أختي الكريمة :-
التقسيم المناسب لمدة مكوثكم والغير مرهق هو كالتالي بأذن الله تعالى :-
جاكرتا لمده يومين + بنشاك الجبل لمده 3 أيام + بوقور القريبة من الجبل لمده يوم واحد + جاكرتا
يومين ،،
أفضل الفنادق لكم في جاكرتا + بنشاك الجبل + بوقور + جاكرتا هي :-
جاكرتا أرشح لكم فندق منهاتن هوتيل ،،
بنشاك الجبل أرشح لكم فندق سيروني 3 ،،
بوقور أرشح لكم فندق شهيرا بوتيك ،،
وأخيرا جاكرتا أرشح لكم فندق كروان بلازا ،،
وبخصوص مدينه باندونق أنصحك نصيحة لوجه الله تعالى أنك تكنسلينها أختي من البرنامج
لان مدة مكوثكم هناك قليلة جدا جدا وخليها بالمرات القادمة بأذن الله تعالى ،،
أي أستفسار أوملاحظة لاتترددي أختي الفاضلة الجميع هنا بخدمتك بأذن الله تعالى ،،

مشكوره على الرد الله يعطيكم العافيه ماقصرتوا

هذا هو ابن السعوديه
خبير العمه
الله يجزيه الخير

اختي العزيزه
تروحين و ترجعين بالسلامه أبن السعودية
اخوي العزيز ,, ان شاء الله انك بخير و احسن حال
لفت نظري ردك للأخت ,, و نصيحتك لها انها تكانسل باندونق ,,, ليه ؟؟؟؟؟
شدعوه ما قلت لي اكنسلها ,
, ان كان ما تسوى العنوه ما راح اروح ,,
و بعدين اهي تبي محلات بيع شنط و جلديات ,, و على حسب علمي ان باندونق افضل منطقه لبيع
هالشغلات ,, وفيها محلات الاوت لت بكثره ,, وناويه - ان الله اراد - اشتري هدايا منها ,,
هذا غير اللي موصيني اجيب لهم ..
بليز ,, الله يرضى عليك ,, اذا ما تسوى و ممكن الاقي هالشغلات بجاكرتا قول لي ,,
و شي ثاني بعد ,, باندونق مو اهي اللي فيها البركان ,, و المياه الحاره ,, و ساري اتر ,, و قراسيا
سبا ,, و استون توربيكانا ,, و كل هالمحلات كلها حاطتها بمخطط رحلتنا
يعني شلون هذي بعد كلها تتكنسل ,,
ارجو الرد
بالانتظار
,,

ام عزيز7
هلابك أختي أم عزيز :-
صحيح أن قلت تكنسلها علشان المده اللي راح يقضونها قليلة جدا باأندونيسيا وهي 8 أيام
فصعبة عليهم يرحون لها فاأخترت لها المناسب والقريب والغير مرهق لهم والافضل لهم هو
التقسيم التالي كما وضحته سابقا :-
جاكرتا + بنشاك + بوقور القريبة من الجبل + جاكرتا ،،،
أما أنتم ياأختي أم عزيز وضعكم غير لان مدة رحلتكم طويلة ومناسبة جدا جدا وأنا من المؤيدين
وبشده أنك تذهبين الى مدينه باندونق الجميلة والرائعه وصدقتي هي فيها البراكين والشلالات
والكهوف وشارع الجينز وفندق أستون توربيكانا ،،، يعني تخطيطك سليم وممتاز جدا جدا أختي أم
عزيز توكلي على الله عز وجل وتمنياتي لكم برحلة موفقة أرجو أن تكون الصورة قد أتضحت لكي
أختي أم عزيز أخوك أبن السعودية ،،،

أبن السعودية
زين طمنتني ,,,
كل شوي قاعده اسوي ريفرش للصفحه عشان اشوف الرد ,,
جزاك الله خير ,, عذبناكم بالاسئله
..

ام عزيز7
تستاهلين كل خير والحمدلله أنك تطمنتي ،،

جزاك الله خير علي الفايده