أم حور
26-07-2022 - 09:26 am
السلام عليكم ورحمة الله وبركاته
قبل يوم رجعنا بفضل الله من ماليزيا 2007 على قولتهم بصراحة كانت الرحلة لا بأس بها لأن جمال لنكاوي واستمتاعنا بها غطى على زحمة كوالا وقلة طبيعتها الجذابة (وعلى فكرة هذي ثاني مرة أسافر ماليزيا )
لكن كثير من الشباب والأخوات الفاضلات كانو ينصحوني للملاهي بالصن واي لاقون وبشدة لكن الصراحة أقول لكل من هو مسلم يتقي الله في نفسه وأهلة وما في داعي لزيارتها
يوم كامل كان في الحسبان للحديقة وبمجرد الوصول وأخذ التذاكر (يالقهر كنا وايدين ودفعنا وايد على الفاضي )
أتفاجأت أنا وزوجي وأبنائي
بالمناظر أجنبيات بلبس البحر والعري الفاضح والرجال بعد وكلهم كانو بأشكال والله مقززه والأدهى والأمر بعض الخليجين ماشاء الله تبارك الرحمن موجودين ومستانسين ويصورون وخبر خير
بصراحة حسيت أنا وزوجي أن كنا في مكان يغضب الله
وبسرعة طلعنا ولا حتى كملنا العشر دقايق فيها
ومن هني أقولكم كتبرية ذمتيه
أخواني وأخواتي اتقوا الله في أنفسكم وعيالكم ومافي داعي لهالمكان
