1. تروحين مجمع الغلاري لافيات وبرنتومب الي جنب الغلاري لافيات


2. اليوم الرابع

سفرة سعيدة ان شاء الله وما يصير خاطرك الا طيب
0ايام باريس
من غير متاحف مثل اللوفر ولا قصر فرساي ولا مونمارت ولا حي لاتيني ولا نوتردام ولا حي الرسامين ام
طيب نجي ليوم الوصول دائما احب واشجع على الركوب بالباص الاصفر او الاحمر والاحمر ارخص طبعا بس اقل توقف
وهذا مسارة المفضل والي يصلح لك
Champs-Elysees الشانزليزيه
Arc de Triomphe قوس النصر
Concorde كونكورد
Madeleine مادلين
Opera الأوبرا
Louvre Museum متحف اللوفر
Cite, Saint Louis الاستشهاد ، وسانت لويس
Notre-Dame نوتردام
Seine River نهر السين
Orsay Museum Orsay متحف
Invalides
Eiffel Tower برج ايفل
Trocadero
وتستمر الرحله 2 وربع وهي افضل مسار وجولة تاخذها لاكتشاف اهم معالم باريس
وفيه رحلات 3 غيرها بس هذي اهمها
طبعا المسار يبدا بالشانز من عند قوس النصر وبعدها راح يوديك لعند التركدور وبرج ايفل وهكذا
انتي اول يوم خلية يلف فيك لحد ما توصلين عند ساحة الكونوكورد وحولي من الباص وروحي فندق مشي منها تتمشين بالشانز ومنها تشوفين الكافيات والمطاعم الي تبينها
وبعدها الفندق الي حجزتية على اعتبار ان الفندق بالشانز
واتوقع مسار اول يوم يعتبر حافل وخاصة انك جاية من تعب يبيلك ترتاحون لليوم الثاني
اليوم الثاني افضل انك بالصباح تشوفين المحلات الي بالشانز وجنبك بس تفرج من غير تشري عشان تقارنين الاسعار وتجمعين افكارك من حيث التنسيق والترتيب للمشتريات وخاصة ان الشانز جنبك وممكن توصلينه باي وقت
ومن المجمعات الي على الشانز وفيها محلات حلوة فناك جنب الماريوت
اليزية 26 وفيه محلي المفضل جلاري جلوريا
ومحل دزني بالشانز وشركته تحتلف عن دزني الي في دزني نفسها وبضايعه تختلف
بعدها اركبي الباص الاحمر وخلية يوصلك لحد برج ايفل واشتري تذكرة للطابق الثالث ب12 يورو
يبيلك ساعتين من صف طابور وتفتيش وقطع التذاكر والتمشي فيه
عاد انتي وراحتك تبين رحلة نهر السين بنفس اليوم ولا تخلينها ليوم ثاني
ركوب رحلة بنهر السين ب11 يورو من غير عشاء
واحس بكذا انتهينا من اليوم الثاني
اليوم الثالث افضل لك تروحين دزني وبصراحه يومين ماتكفي لدزني
انتي روحي وشوفي اذا تقدرين تلفينها معا الاستديو بيوم واحد بس تفرجة من غير لعب زين معا اني اتوقع صعبة تلفين ولا تحضرين عروض السيارات والخدع السنمائية واسمول ورد والحفل الختامي
انتو جربو وشوفو
نجي لليوم الثالث

تروحين مجمع الغلاري لافيات وبرنتومب الي جنب الغلاري لافيات

اليوم الرابع

شارع سانت هونير الي فية اغلب الماركات مثل هيرمز وميكي هاوس وايف سانلوران وغوتشي واسكادا وريبورتو كفالي وبرادا وغيرة الكثير لين توصلين عند ساحة الفاندوم وتحصلين المحلات الخاصة بالمجوهرات وفيه محل مونتال للعطور بنفس الساحة
اليوم الخامس اشرايك نخليها للاوت ليت وانتو جربتو المترو بروحتكم لدزني يعني ماراح تضيعون بالاوت ليت على طول تنزلون بالمحطة الي قبل دزني واسمها فالدي يورب
اليوم السادس
خليها تمشي وشبنغ في افنيو مونتين واذا بخاطرك تركبين قوس النصر
اليوم السابع بصراحة احس ان يبيلك تور سياحي مميز
فيه شركات كثيرة تنظم تورات سياحية رائعه ام يوم كامل معا غدا او عشاء وراح تحصلين في اغلب الفنادق بروشرات وكتلوجات عن الرحلات واسعارها
ومنها رحلة الى Mont Saint-Michel
سعر التور معا الغدا ب158 يورو للكبار و110 للاطفال
من غير غدا 142 للكبار و99 للاطفال
اليوم الثامن
راح يكون هادي وراحة بعد يوم شاق افضل يكون تمشي بالشانز
اليوم التاسع
يكون شراء النواقص وخاصة ان اغلب الاسواق رحتي لها مرة وحدة يعني اكيد تحتاجين ترجعين لشي بخاطرك او تكمله النواقص
اليوم العاشر ترتيب للسفر وافضل اذا عندكم عفش زايد تشحنونه قبل السفر ب3 ايام عشان يوصل معاكم
وبصراحه انا دايم اشحن اللبس العادي والجديد يكون معاي
وان شاء الله قدرت ارتب لك شي بسيط من الرحلة وصدقيني اذا رحتي ربي يسهل كل شي
اهم شي اكثري من الاستغفار واسئلي الله خير مافي هالسفرة ويكفيك شر مافيها
وترحون وترجون بالسلامة يارب

شكرا لج ام سيف انا استفدت من ردج جزاج الله خير ...
بس تقدرين تساعديني انا بنزل باريس بس يوم واحد من ديزني... مب عارفه شلون ارتب اليوم
وشنهي المحطات الي اقدر اخذها من ديزني لباريس

1. خلنا نرتب لك البرنامج متى وصول طيارتك؟؟


2. ويعتبر افضل مكان لتصوير برج ايفل بوضوح


3. بعدا يمر فيك بالاوبرا


4. ويمر فيك بمادلين

غيوم
هلا يالغالية شوفي هذا ترتيب ليوم واحد رتبته لاحد الاخوان وان شاء الله يفيدك والاعضاء بهذا المنتدى ماراح يقصرون معاك

خلنا نرتب لك البرنامج متى وصول طيارتك؟؟

بالافتراض انك وصلت وقت الشيك ان على 3 العصر افضل موقع تسكن فيه جنب الشانز وعلى حسب الميزانية فيه الي ليلتة ب3000 ريال مثل الماريوت وفيه الي ب800 ريال مثل الشاتو وفيه ارخص طبعا بس انا اتكلم لك عن النظيف وحلو وموقعه قريب من الشانز الي يمر فيه اغلب الي تحتاجه من وسائل مواصلات للوصول الى اكبر قدر ممكن من المعالم الباريسية
طيب وصلت بالسلامة وارتحت اشوي نبدا رحلتنا وهو استأجار باص احمر لمدة يوم واحد فقط ب15 يورو لليوم تقريبا راح تحصلة قدام قوس النصر بالضبط عند السفارة القطرية
IMG]http://rendez-vous-boutique.com/opentour/english/images/map1.jpg
Champs-Elysees الشانزليزيه
Arc de Triomphe قوس النصر
Concorde كونكورد
Madeleine مادلين
Opera الأوبرا
Louvre Museum متحف اللوفر
Cite, Saint Louis الاستشهاد ، وسانت لويس
Notre-Dame نوتردام
Seine River نهر السين
Orsay Museum Orsay متحف
Invalides
Eiffel Tower برج ايفل
Trocadero
وتستمر الرحله 2 وربع وهي افضل مسار وجولة تاخذها لاكتشاف اهم معالم باريس
وفيه رحلات 3 غيرها بس هذي اهمها
طيب خلني اعطيك فكرة عن كل معلم راح يمر فيه
بعد الشانز وقوس النصر الي ما انصح تركب فوق القوس لانك راح تركب برج ايفل وبتشوف باريس كلها
راح يمر الباص بعد الشانز ب Trocadero
طبعا انصح انك تنزل في هالمكان لان حلو تقدر تسوي حركات وتصور وتخلي احد يصورك وكأنك مااسك برج ايفل بيدك يعني من هالحركات

ويعتبر افضل مكان لتصوير برج ايفل بوضوح

وبعدها ارجع لموقف الباصات راح تحصل عشرات الباصات الي تمر وتمشي اما اذل ماتبي تنزل ومستعجل على برج ايفل وتفكر بالطوابير الي راح تحصلها خلك في الباص وخمس دقايق ويمشي ويكمل الرحله وبعدها راح يوقف عند برج ايفل
اول شي راح تصف طابور للتفتيش بعدها يجيك طابور التذاكر الي افضل تذكرة وهي للطابق الثالث ب12 يورو
وراح تركب الاصنصير ويتم تبديل الاصنصير بالطابق الثاني لان الطابق الثالث له اصنصير خاص وهم راح يرشدونك للطريق لا تحاتي شي ويمكن تاخذ ساعة ونص في برج ايفل بعدها تنزل وتوقف في مواقف الباص واول باص يمر عليك اركب فيه وراح يكمل معاك الرحلة
بعدها راح يمر فيك ب Invalides تحتوي على المتاحف والنصب التذكارية وكلها تتعلق بالعسكرية
بعدها راح يمر فيك بالمتحف Orsay Museum Orsay
وبعد المتحف راح يمر فيك على نهر السين الي منها تقدر تاخذ لك تور سياحي بالنهر للكبار ب10 يورو بس يلف فيك من غير عشا واذا تبيه بعشا ب55 يورو الى 90 يورو على حسب البرنامج
بعد الرحلة واذا رجعت كمل معا الباص على فكرة الباص يخلص دوامة 8 بالليل يعني 10 بتوقيت السعودية ان شاء الله يمديك تلف هالفلة كلها
Notre-Dame نوتردام
طبعا هس كنيسة ومحد كان مهتم فيها بس بعد رواية فكتور هيغو احدب نوتردام اهتمو فيها
وفيه ناس تدخلها بس انا يكش شعر جنبي اذا دخلت كنيسة لاني مرة دخلت في موناكو وعورني قلبي سبحان الله
بعدها سنت لويس او الاستشهاد
وراح يوقف عند الحي الاتيني بتعرف الحي من البسطات والكوشكات والحركات التذكارية
ويبيع الغتر الملونه الي هبو فيها البنات والاولاد
بعدها Louvre Museum متحف اللوفر
وهذا غني عن التعريف
وبصراحه ما اتوقع يمديك تنزل تلف فيه خله بس مناظر بالعيون

بعدا يمر فيك بالاوبرا

ويمر فيك بمادلين

وساحة الكونكورد الي فيها المسلة ويرجعك للشانز اكيد بيرجعك على الساعة 8 بتوقيت باريس هنا راح تبدا سهرة الشانز وتدور لك محل تتعشاء فيه ويبيلك شي دسم اما الهندي او الايراني او العجمي وكلهم جنبك بالشانز الهندي بمجمع جنب الماريوت مدخل المجمع فيه ساعات موبساين من تشوف هالمحل اعرف ان داخله المطعم الهندي ومرات يخلون هندي واقف لابس لبس مميز وبيدة لوحة
العجمي جنب الشاتو اذا بتسكن بالشاتو راح تحصله على طول وماراح يضيعك
اتمنى اليوم يمديك وادري انه سباق مارثوني بس هذا طلبك وحاولنا نوفره لك

جزاج الله خير حبيبتي ماقصرتي بالنسبه للسكن بنكون في ديزني اصلا وبالقطار بننزل لباريس
وبالفعل يوم ماراثوني الله يعينا خاصه ان معانا صغار
انزين اختي كنت بسألج عن اسعار المطاعم ونوعيه الاكل وطعمه يعني اذا غالي يستاهل سعره ولا لا
لانه من تجربه الاكل في الدول الاوربيه غالي وماله طعم سواء هندي ولا ايراني ولا تركي ولاشامي
بس سعر وشكل ..

غيوم
بصراحه اختي احنا عايلة انا وزوجي و5 اطفال دايم حسابنا بين 100 يورو و150 يورو واحلى مطعم بلانيت هوليود في دزني والفوكيت في الشانز
العجمي والديوان مو شين بس الطلب اقل من طلبي بالفوكيت والسعر اغلى من الفوكيت هاذا الي كرهني بالمطاعم اللبنانية
وبكل الحالات مافيه شي مثل مطاعمنا اهنية

السلام عليكم ورحمه الله وبركاته.............الف شكرلك ام سيف ويعطييك الف عافيه ماقصرتي ياعسل

الله يسعدك يا ام سيف
ويوفقك

ايوة صح ابا اسأل كمان في محلات اكلات سريعة؟؟
طعم مضمون و سعر خيالي
ههه

sue me
للاسف ماحصلت شي سعره خيالي
بس مرات اشتري من السوبرماركت الناجت والهامبورجر الحلال
واللبناني هو الحلال المضمون بس غالي