ابواحمد199
01-02-2022 - 11:29 am
السلام عليكم ورحمة الله وبركاته وبعد :
نحن يا اخوان اول مره نسافر لاندنوسيا وستكون رحلتنا ان شاء الله بالهجري 12 / 8 / 1431ه ولمدة ( 15 يوم ) بالخطوط القطريه والله يعين يقولون ماهي دايركت
وحاسبين ميزانيه 9000 ريال لثلاث اشخاص شباب والنزول بجاكرتا ، علما اننا بنأخذ معنا عزبة شاي وقهوة وطبخ ومعلبات واما السكن فسنبحث عن شي بسيط غير الفنادق لاننا شباب لذا :
اتمنى منكم التفاعل معي وتبيان كل شي لي من اسعار ومن سكن رخيص ومن مناطق حلوه ترد الروح لاني شفت صور روعه جدا ويقولون بندنوسيا لذا حنا رحنا لاندنوسيا واريد جو خيالي وجو شبابي ووناسه
المناطق والمعالم والتجمعات والاسواق وسعر الصرف ووين نصرف القروش هنا ام وين ؟
وهل اللغة العربية معدومه يعني يفهمون علينا او لا ؟
وهل ممكن الاستغناء عن السياره المستاجره بالتكسي ؟؟
وهل الشاليهات او الغرف الريفية متوفره يعني نروح لهم ونستاجر من دون حجز مسبق ؟
وودي ببرنامج فيه نوع من التفصيل ؟
طولها
فهل انتم متساعدون معي او لا ؟؟ ولا اعتقد انكم ستتركونني ؟؟
الله يحرم وجيهكم على النار لاتخلوننا
ابواحمد199
عزيزي ابو احمد اولاً الله يحييك بين اخوانك وربعك وان شاء الله تروحون وتجون بالسلامه وبحول الله وقوته راح تلاقي اجابات شافيه ووافيه تبرّد على قلبك الطيّب ...اخوي ميزانتكم لا تكفي سوى عشرة ايام فقط لازم تزودوها شوي خمسه الاف على الاقل بدون تذاكر ... من ناحية السكن في جاكرتا فيه فنادق رخيصه وفنادق غاليه حسب رغبتكم انصحكم بالسكن في جاكرتا في شارع رادان صالح لانو فيه مطاعم عربيه مثل الباشا والجزيره ومطعم اميره ولا تنسى مطعم اميره يوجد فيه مكتب كاها اللي راح يوفر عليك التعب الكثير السكن بالفنادق ارخص منهم من الفندق نفسه من تجربه شخصيه يكفي ان منطقة شارع رادان صالح قريبه من موناس وراح توفر عليك الشئ الكثير وقريبه من سوق الاتريوم اللي فيه مطعم البيزاهت وصراف يصرف حدود 4000000 روبيه في اليوم ومن ناحية الاسواق انصحك بسوق تامان انقريك وسوق منقادوا ولا تنسى في السهر بجاكرتا منطقة سيرينا بليباودو وكوفي شوب على العموم حاولوا ماتتطولوا في جاكرتا لو تبون الفله والوناسه ليومين اسكنوا في فندق ميركوري اللي في منطقة انشول الرائعه ملاهي دنيا فنتازي ومسابح اتلاتنيس وعالم البحار ومطعم رائع جدا اسمه بندر جاكرتا الفندق كويس وحقه يومين واسعاره مره كويسه في حدود 250 ريال للغرفه واحسبها انته على غرفتين وفيه شاطئ انشول الرائع وهناك رحلات في الصباح للجزر القريبه من الشاطئ بعد يومين في جاكرتا انصحكم بالذهاب الي الجبل العزبه لا تحتاجون لها الا في الجبل فقط اسكنوا في الجبل في مجمع قولف الرائع او مجمع فلل شكرو وكلها اسعاره لاتتجاوز 250 ريال في اليوم (الاسعار في شهر مارس 2010م ) اتوقع في الصيف تزيد شوي المهم حاولوا تسكنوا في قولف مره رائع هذا المجمع سكنت فيه سبعه ايام احلا سبعه ايام في عمري حبيبي ابو احمد الجبل فيه اماكن كثيره للسياحه مثل حديقة تمان سفاري الرائعه التي يجب الذهاب لها بدري في الصباح وفيها شلالات ايضا وفيه عندك تمان مطهري مكان رائع تجديف في الشلالات ووناسه مره حلو وعندك البراشوت تجربه لابد منها المكان لوحده حكايه وفوق الخيال وعندك شلالات شلمبير حلوه حلوه حلوه وتجنن بعد وعندك ياطويل العمر والسلامه مدينة قريبه منها اسمها بوقور ممطره اكثر وممتعه وبعد خمسه ايام في الجبل روحوا باندونق يومين كفايه جربوا تروحوا بالقطار من جاكرتا ثلاث ساعات من محطة اسمها قمبير في جاكرتا ثلاث ساعات كلها طبيعه ومناظر ترد الروح وتسرّ الخاطر روحوا في باندونق لشلالات شياتر ومزراع الفرواله وشارع الجنز في باندونق ضاحية لمبانق جدا رائعه وتستحق السكن فيها يوم على الاقل اندونيسيا كلها رائعه ياابو احمد والصور لا تدل على كل جمالها بعد عودتكم لجاكرتا اذهبوا لبرج موناس وتمان ميني وان شاء الله اكون افدتك بشئ بسيط وان شاء الله الاخوان ماراح يقصروا معاك ورحله سعيده موفقه ان شاء الله في ربوع العمه اخوك عاشق الشلالات ،،،،