وعليكم السلام ورحمة الله وبركاته
بدايتاص حياج الله بين اخوانج وخواتج وان شاءالله اتفيدين وتستفيدين ..
ونرجع للموضوع

• كيف يعني الاطفال يستفيدون ! هل معناتها انكم بدخلونهم مدرسه !!
• وإذا الوالد او الوالده راحوا المدرسه فمن راح يقعد عن الأطفال !! يعني لازم واحد ايروح المدرسه والثاني يقعد عند الأطفال ..
• وبما ان الموضوع دراسه فلازم تسكنون خارج لندن لأن الاجار خارج لندن نظامه شهري مش اسبوعي نفس لندن عشان اتوفرون لان السكن غالي في لندن

ارجو اتفكرون في هذي النقاط والي اتأمرون فيه احنا تحت أمركم ..

لا كلام يعلو على كلام أخوي القطري ....
ولكن في حل بسيط من وجهة نظري.. أنكم تسكنون عند عايله واذا رحتو أنتي وزوجك الدوام يتمون الأولاد عند العايله
وبهذه الطريقه كل راح يستفيد حتى يمكن ماراح تحتاجين معهد لأنه السكن مع العايله يطور اللغه ... لكن المشكله الوحيده
هي أنه عددكم كبير ماشاء الله ولازم تدورون عدل وتراسلون أكثر من عائله ...... والشي الثاني هو أنصحكم الذهاب الى
برايتون أو برستةن ولو أني أفضل ريستون

برايتون كثرو العرب فيها
جربي ساوث هامبتون وبالمره قريبه من لندن
وما انصحكم بعوايل

ماظن تكفيكم الفلوس اذا فيها دراسه

اشكركم جميعا والله يوفقكم ويخلي كل الي ردو علي
المهم انا ابغى اعرف اذا كانت الحياة هناك صعبه لهذي الدرجة يعني احسن ما اشيل الاولاد معاي لكن حبيت اقول ان بابا قالي انا باحجز لاختك واخوك معاك من باب المساعده وبرضه زوجي يعرف ناس هناك يسكنون بمدينه تبعد عن لندن ساعتين اعتقد اسمها ماردف او والله ما اذكر واعتقد انهم بيساعدونا كثير ان شاء الله لانهم ماشاء الله اربع سنوات هناك وابغى اسال عن الحجاب ممنوع في المعاهد ادري طفشتكم بالاسئله

شكرا لكم جميعا الله يجزيكم خير
ابغى اسما معاهد اقدر اسجل فيها بس تكون ممتازه وكذلك ابغى اسأل عن العوائل كيف اقدر القى مواقع لهم وايش افضل مكان اقدر انزل فيه علما بان المدة اللي حجزنا عليه هتكون شهر واسبوعين ان شاء الله وكيف الجو هيكون بالصيف ومن ناحيه الاولاد بابا قالي بيحجز لاختي واخوي معايه ايش رائيكم مو احسن وابغى عناوين سكن تكون نضيفه ومتوسطه السعر وشكرا

احسن شي تسألي السفاره اللي هناك او ممكن تسألي سفاره بريطانيا عن المعاهد المعتمده من قبلهم واعتقد انك تقصدين منطقة كاردف اذا تعرفين ناس هناك احسن لان اللي عايش ومجرب غير اللي بس سامع موفقه اختي
الحجاب في بريطانيا عادي ومتعودين على وجود العرب والمسلمين بس مدري خارج بريطانيا كيف الوضع اتوقع عادي الي ساكنين هناك ممكن يفيدونك اكثر