- او St. Patrick's Day
السلام عليكم....
والله يا اخوان اليوم صحيت بدري قلت خل استفيد من الويك اند كويس....وبعد ما افطرت
جا في بالي اروح لقصر باكنجهام واصور كم صوره لتغيير الحرس مثل ماطلبت والحت علي اختي الصغيره
ولاني ماني بعيد من القصر قلت خل اروح كعابي اونس لي....يوم قربت من الماربل ارش
اكتشفت ان شارع البارك لين مسكر (مغلق) يعني رايح مافيه لكن الي جاي من الهايدبارك كورنر لماربل ارش ماشي لكن ااعكس لا!
اول شي طرا في بالي قلت اكيد فيه مظاهره...بس بالعاده اليومين المضاهرات عند البرلمان....
عندها قلت ...بس اكيد الشيعه عندهم اربعينيه والا احتفال ردح ومن هالكلام ...لانهم في العاده يسوون احتفالاتهم هناك.....طبعا ماطال استغرابي دقائق الا وارى كميه ضخمه من البشر والمعدات والاكثر...اعلام ايرلندا الفاقعة اللون....
كميه من البشر يضحكون ويغنون وواضح انهم يستعدون لشيئ....لان فيه كثير من الناس تجي وتنزل من الباصات وينزلون حقائبهم وكذا...
هناك كمية كبيره من المعدات والات الموسيقى العسكرية والطبول والمزامير وناس لابسه تننانير كاروهات زي الاسكتلنديين بس هذولا تنانيرهم خضرا!
طبعا الشيئ العجيب ان اكثر من المشاركين ناس كبيره بالسن يعني مو بس اطفال والا شباب...بالعكس اكثرهم شيبان وعجز....يعني ناس فعلا يحبون الحياة والاستفاده من كل دقيقة بحياتهم !
طبعا هذه الزحمه اخرتني لاني كنت ناوي اصل لباكنجهام الساعة 11:20 قبل تغيير الحرس بعشر دقائق لكن الزحمه اخرتني كثير.
طبعا اكيد تسالون وش السالفه....قالولي انه احتفال ايرلندي وطني اسمه "يوم القديس باتريك"
او St. Patrick's Day
وهو يوم يحتفل فيه الايرلنديون في وطنهم وكل العالم فيه وتحديدا يوم 17 مارس من كل عام ويكون عطله رسمية في ايرلندا وبعض ولايات كندا وامريكا واستراليا ويحتفل فيه في اغلب العواصم الغربية ومنها لندن الي مليئة بجالية ايرلندية ضخمة وينطلق الكرنفال عادة في لندن من البارك لين شرق الهايدبارك مرورا بجرين بار وصولا الى ميدان ترافالجار الشهير...طبعا في بريطانيا يحتفل فيه في اقرب ويك اند ل17 مارس وطبعا اليوم الاحد هو 18 مارس فتم الاحتفال فيه.
طبعا للاسف انا مامعي الا كامرة الجوال وما استعديت اصور بكمية كبيره
واعذروني لو كانت الصور ما اعجبتكم لانها في النهاية من جوال
واترككم الحين مع الصور قرب الجرين بارك: 
وهذي صوري للباكنجهام بعد ما خلصت : 
اتمنى الصور تكون اعجبتكم
وتقبلوا تحياتي.
