الحلحيل
19-09-2022 - 09:24 am
السلام عليكم أخووي القطري وجميع الأعضاء الأعزاء
أول ما أشبك على طول أشيك في بوابة بريطانيا أذا القطري شابك على طول أحاول أفكر بأي سؤال
عشان يجاوبني عليه ( مع العلم من سنة 2005 الى هذه السنه رحت لندن 8 مرات !!!)
وقبل كل سفره لازم ألوع كبد القطري بالأسئله ( لكن أسمحلنا ما خربنه ألا قلبك الكبير ;)
أخوي القطري السؤال هو أذا بغيت أحجز عن طريق موقع اليورو ستار ألحين شلون الطريقه أخذ معاي
برنت وهناك أستبدله بتذاكر ولا شلون الطريقه ( طبعاً بوالشباب اللي هو أنا ضامن أنك ترد علي وكأنك
أنت مدير اليورو ستار في لندن )
أرجو الرد أذا كنت جربت من قبل أو أي أحد من الأخوان وشكراً جزيلاً اللي والله الشكر ما يوفي حقك..
لبيك وسعديك
بالعكس الغالي ..الكبد أترحب فيك ههه
شوف طال عمرك ..اذكر كتبت موضوع مخصص عن كيفية الحجز عن طريق يورو ستار وكنت حاطه بالصور بس ماأدري وين راح للأسف
شوف طال عمرك ..عندك 3 خيارات ..
الخيار الاول انك تحجز من المحطه مباشره ..
الخيار الثاني أنك تحجز وفي خلال يوم راح توصلك التذكره لين فندقك ولكن راح تدفع 5 باوند لأنها بتجيك عن طريق البريد أكسبرس ..
الخيار الثالث أن التذكره توصلك بعد 7 أيام عمل ولكن من غير دفع أي رسوم ..
وأي خدمه احنا تحت أمرك الغالي