1. 3- تطوير مهارات الطفل في مجالات مختلفه


2. سلبيات كيدزينيا دبي :

السلام عليكم ورحمة الله وبركاته
كيف الحال الغالين
وعيدكم مبارك وتقبل الله صيامكم وقيامكم وكل عام وانتم بخير ..
هذا موضوع ماحضرت له ولكن بكتبه على الفطره وبدون اي تحضير ..
الحمدالله رحنا كيدزينيا ويوم الاحد الي فات ماقدرنا ندخلها بسبب الزحمه وتضايقوا عيالي وتكدروا على الرغم ان احنا جايين الساعه 5 ونص ولكن الموظفين قالوا انها مليانه ومايقدرون يستقبلون اي احد ..
واليوم الي بعده رحنا لها من صبح والعيال ماشاءالله من الحماس كانوا قاعدين من ساعه خمس ونص الصبح ^_* وطبعاً انا الضحيه لان هالسفره كانت من غير امهم
نرجع للموضوع ..
كلنا شفنا كيدزينيا الي في اليابان من خلال خواطر 5 وكل الشكر للمتألق احمد الشقيري وعلى الله الامه الإسلاميه تنهض وترجع لسابق عهدها قائده للامم وليس كوضعنا الحالي ..
ايجابيات كيدزينيا دبي :
1- الاعتماد الكلي للطفل على نفسه من ناحية المأكل والمشرب والغسيل والطبخ واختيار المكونات الي ايحبها مثل ماسووا عيالي واطبخوا البيتزا بنفسهم وبعدها كليناها كلنا
2- تنمية الثقافه لدى الطفل بالامور المختلفه مثل التعامل في البنوك والتقيد بالطابور وماذا يحصل عند دكتور الأسنان والدفاع المدني وسيارة الأسعاف وكل هذا تحت مسمى ثقافة ..

3- تطوير مهارات الطفل في مجالات مختلفه

سلبيات كيدزينيا دبي :

1- المظفين اغلبهم غير متعاونين والوجوه غير بشوشه ولاتوجد بها سموحه والأمثله كثيره ..منها الموظف الهندي والموظفه الفلبينيه في مطعم البيتزا لانهم كانوا غير ودودين مع الأطفال لدرجة ان الاطفال كلهم خايفين من التكلم بسبب الشده الي كانوا يستخدمونها ..ونفس الشي موظفة الدفاع المدني وموظفة الرسم والكثير باستثناء موظف واحد في الدفاع المدني وواحد في مركز الشرطه ..
2- اللغه كانت عائق بين الموظفين وبين الأطفال لأن كيدزينيا الهدف منها تنمية ثقافة الطفل ولكن الحاصل في كيدزينيا مدكأنها ملاهي والقصد منها متعه فقط بدون فائده ..
3- بالإضافه للرسوم الي جفعناها لشخص بالغ وطفلين بسعر 340 درهم فيه العاب داخل لازم ندفع لها !!
4- وهذا اكبر شي فاجئني في كيدزينيا وهو اجراس الكنيسه موجوده داخل !!
والمعذره على الاطاله وهذا الي قدرت احصره في الوقت الحالي ..
وان شاءالله فيه موضوع ثاني راح اكتبه عن مترو دبي وكل الشكر لحكومة دبي على هذا الانجاز واتمنى من دول الخليج واولها دولتي قطر انها تتبع نفس نظام حكومة دبي في التطوير
في حفظ الله ورعايته الغالين
والمعذره على الإزعاج والتقصير