حياك اخوي ..
بالنسبة لمحطة القطار في فيينا اسمها Wien Westbahnhof
وزيلامسي مافي اللي وحده على نفس اسم القرية Zell am See
ثانيا .. اول ماتوصل فندق ميركيور .. رح للكونسيرج ( الاستعلامات ) وقلة ابي جدول رحلات القطار الى زيلامسي ( طبعا راح يكون في توقف في سالزبورق ) وهنا نقطة مهمة ابيك تركز معي فيها اذا جيت تحجز على الرحلة ابحث عن رحلة تكون المدة بين وصول قطارك من فيينا وتغييرة بقطارك الاخر المتجه زيلامسي لايقل عن 20 دقيقة عشان تقدر تنزل وتنزل شناطك وتروح للرصيف اللي فيه قطار زيلامسي وتركب وانت مرتاح .. ولايصير لك مثلي وفاتني القطار وانتظرت اكثر من ساعه للقطار الاخر ولم يكن متجه الى زيلامسي مباشرة فغيرنا قطار اخر ومن ثم اتجهنا الى زيلامسي ..
اخوي الموضوع بسيط جدا .. ولكن لانه مجرد حكي على ورق .. ولكنه سهل ..
بالنسبة لزيلامسي اول ماتوصل محطة القطار رح واحجز رحلة الى ميونخ من بدري وريّح نفسك ..
المسافات ( فيينا >> زيلامسي 4 ساعات .. زيلامسي >> ميونخ ساعه و10 دقائق )
الاسعار : فيينا - زيلامسي 130يورو تقريبا للشخصين
زيلامسي - ميونخ 100 يورو تقريبا للشخصين
بالتوفيق ،،

شكرا بيمو علي المعلومة
Please note: You have 7 min to transfer between trains.
هل المدة كافيه
وشكرا

moh12345
اذا انتم شباب وكل واحد شنطته على ظهرة وبتطمرون طمرة غزال .. فيمديكم
اما اذا الموضوع عوائل وشناط .. فمستحيل لانهم هناك ماعندهم اصبر بركّب عفشي اهلي ماجو لاتمشي .. اصلا مايمديك توصل القطار الثاني الا قده ماشي .. نظامهم دقيقة بدقيقة ..
بالتوفيق ،،

بيمو
عائلة من 3 اشخاص
في بعض الرحلات مو مكتوب عليها تبديل القطار شلون ؟!!
هذا الرابط
http://www.raileurope.com/us/rail/point_to_point/results.htm?itemId=-1&cobrand=public&fn=fsRequest&c=USD&rows=1&roundtrip=0&from0=Munich&to0=Zell+Am+See&deptDate0=07%2F16%2F2009&time0=anytime&nA=2&nY=0&nC=1&nS=0
من زيلامسي الي فينا
بتاريخ 20-7-2009

حياك يالغالي ..
لقيت لك يوم 20/7 ..
من زيلامسي الى سالزبورق : الانطلاق 11.16 .. الوصول 12.53
من سالزبورق الى فيينا : الانطلاق 01.08 .. الوصول 04.18
يعني الفرق 15 دقيقة .. افضل رحلة لهذا اليوم .. وترا باقي مقاعد محدودة اقلها بسعر 78 دولار للشخص .. واعلاها 122 دولار للشخص ..
وهذا الرابط ( هنا http://www.raileurope.com/us/rail/point_to_point/results.htm?itemId=-1&cobrand=public&fn=fsRequest&c=USD&rows=1&roundtrip=0&from0=Zell+Am+See&to0=Vienna&deptDate0=07%2F20%2F2009&time0=anytime&nA=1&nY=0&nC=0&nS=0)
بالتوفيق ،،

في وحدة الفرق 18 دقيقة .. لكنها بدري الساعه 5 الفجر ,,
وفي 15 دقيقة .. لكن الساعة 6 الصباح

بيمو
شكرا جزيلا..
بخصوص الرحله كيف عرفت ان اماكن المقاعد محدودة ؟! علما اني ماراح احجز الا قبل الرحلة بيوم ان شاء الله يعني احتمال انه مايكون فيه مكان قبل الرحله بيوم !
بخصوص الكبين كم فيها كرسي بداخلها , اذا كنت ابي احجز كبين بروحي علما ان 3 اشخاص انا و زوجتي و طفل اقل من 10 سنوات هل استطيع و كيف ؟؟
ومالفرق بين الدرجة الاولي و الثانيه في القطار ؟؟
تحياتي لك..

طيب انا ياجماعه سويت لي برنامج وابي رايكم فيه :
3ليالي فيينا الفندق للحين وابي واحد متوسط شرط ان يكون في شارع ستيفن
4ليالي زيلامسي فندق جراند
2ليتلي سالزبورغ فندق Renaisnce
3ليالي ميونخ فندق Novetel munich city

شكرا اخواني جميعا على الردود
اخوي بيمو تسلم وما قصرت دائما تنقذ اللي متوهقين زيي
ان شاء ا لله اول ما ارجع راح اعد تقرير شامل
لكم تحياتي