مرحبا اخي لا علم لدي بخصوص معاملات السفاره بالرياض و اكيد الاعضاء السعوديين راح يجاوبون على اسئلتك اخر سوال لا تستطيع الذهاب الى فرنسا بالفيزا البريطانية لان فيزا بريطانيا لا تحولك الدخول الى الاتحاد الاوربي الباقي و العكس صحيح
و يلزمك فيزا الى من السفارة الفرنسية او ما تسمى بالشنقن لكي تتمكن من زياره فرنسا
و لا انصحك بشهر 12 بالذهاب الى ديزني لان الجو جدا بارد و مستحيل تستمتع
موفق بسفرتك

عليكم السلام
كيف اطلع الفيزا انا في الرياض ؟
تدخل على موقع البريطانية وتعبي الابلكيشن وتسدد رسوم الفيزا اون لاين وتحدد موعد
وبعد كذا تروح على موعدك للسفاره ويسوون لك المقابلة
ويوجد مواضيع شرح لطريقة تعبئة الطلب
او استعين باصدقائك
واذا ماقدرت يوجد مكاتب سياحية كثير يسوون لك هالشغله
وياخذون مبلغ رمزي من 300 الى 500 ريال يختلفون المكاتب عن بعض
وبنفس الوقت لو عندك اي استفسار ما بيقصرون اعضاء ومشرفين العرب المسافرون
وكم تستغرق وقت وتطلع ؟
الوقت يختلف .. وصعب تحديده
لكن بشكل عام
هناك نوعين
النوع الاول تدفع رسوم فيزا مستعجلة ( نقداً بنفس مركز التأشيرات ) وهي تقريبا من 5 ايام الى 15 يوم
النوع الثاني بدون رسوم من 15 يوم الى 30 يوم
وفي بعض الفيز تتأخر لأسباب غير معلومه تصل الى 60 يوم ولكنها حالات نادرة
هل لازم اكون حاجز الفندق والتذاكر عشان اطع الفيزا ؟
البريطانية ما يطلبون حجز الفندق والتذاكر
لكن يطلبون خطاب التعريف من جهة العمل
ويطلبون كشف حساب اخر 3 شهور
وصورتين شخصية خلفية بيضاء وبدون لبس اي شي على الرأس
وبكم سعر الفيزا البريطانيه ؟
الاسعار تختلف ..
6 شهور 132 دولار
سنتين 459 دولار
خمس سنوات 843 دولار
السؤال الاخير جاوبك عليه مشرفنا واعطاك نصيحته
واحلى فترات السفر الى اوربا بشكل عام ، من نهاية شهر 4 ميلادي
الى شهر 10 اللي هو اكتوبر
واتمنى لك رحلة سعيدة

الإجابات باللون الأحمر :
كيف اطلع الفيزا انا في الرياض ؟
تدخل على موقع التاشيرات البريطانية وتعبأ الإبلكيشن وتدفع بالفيزا ثم تحجز موعد .. كل هذا من خلال الموقع أومكتب خدمات .. ويجب طباعة الإبلكيشن والموعد .. وأخذها معك في الموعد مع صورة شخصية والجوازات وتعريف بالراتب وكشف حساب .

• وكم تستغرق وقت وتطلع ؟

تأخذ مايقارب شهر .. توفيق رب العالمين .

• هل لازم اكون حاجز الفندق والتذاكر عشان اطع الفيزا ؟

لا يحتاجون حجز فنادق ولا حجز تذاكر طيران ( وهذا مؤكد100% فلا تقلق )

• وبكم سعر الفيزا البريطانيه ؟

0ريال تقريباً .. وسعر الاستعجال بالفيزة 500 ريال أخرى تدفع عند تقديم الأوراق .. وهي غير مفيدة من تجربة الأخوان بالمنتدى .

انا قدمت على الفيزا المتسعجله وسويت البصمه يوم 26 / 9 / 2013 وسفري يوم 7 / 10 / 2013 والى الان ماطلعت الفيز وانا على بالي تاخذ لها من 5 الى 7 بالكثير
ورحت لهم اليوم وقلت لهم ان موعد السفر قرب والفيز ماوصلت الى الان قالوا يمكن تاخذ لها 15 يوم يعني بيروح موعد السفر والفيزا ماطلعت الله لايقوله
والمشكله ان تذاكري غير مسترده وحنا 5 اشخاص
وانا طالع من عندهم شفت واحد استلم جوزاته وسالته مستعجله ولالا .. قال مستعجله .. قلت له بكم يوم وصلت لك .. قال 12 يوم مع الويكند
نصيحه مني لاتحجز طيران لين تستلم الفيزا بيدك او راح تتوهق مثلي وتعيش بقلق وتوتر