مصر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في مصر

الفندق يرجعولي فلوسي وإلا لا

وين اروح

12-09-2022 - 10:11 am

حبايبي ان حجزت بثلاث فنادق من احد الوكالات بالسعودية وكانت الاسعار صبخة تعور الراس وكانت الخطة اربع ليالي خمس ايام بالقاهرة ثم الاسكندرية خمس ليالي ستة ايام ثم القاهرة ليلتين ثلاث ايام ان شاءالله
لكن لو حصلت شقة حلوة وجميلة وسعرة ارخص من الفندق استفساري هل الفندق يرجعلي دراهمي من الايام الباقية وإلا لا افيدوني

التعليقات (4)

hbob

12-09-2022 - 01:48 pm

انا اشور عليك اخوي خلك على حجوزاتك افضل ولا تبهزل نفسك بالتدوير واللفلفه وبعدين اصحاب الشقق
قليل منهم يؤجرعليك يومين تروح وترجع لنا سالم وغانم

هاوي لندن

12-09-2022 - 02:49 pm

اخوي احجز لك يومين فقط ورتب مع المكتب لو بقيت تمدد من مصر تكلمهم
وعند الوصول ابحث لك عن شقة اذا لقيت انتهت المشكلة
واذا مالقيت تكلم المكتب في السعودية وتمدد
ولا مشاكل في ترجيع الفلوس مع المكتب او الفندق
هذا الحل في رأيي

سايح جديد

12-09-2022 - 03:50 pm

اذا انت حاجز من مكتب سياحي بالسعودية
جيب لهم .. ورقة خروج "شك اوت" .. وإذا رجت السعودية ترجع المكتب ويرجعون لك فلوسك عن الايام
اللي ماسكنت فيها بس شرط لازم تسوي شك اوت تاخذ ورقة من الفندق انك ما سكنت الا يوم او يومين..
تحياتي

مهاجر

12-09-2022 - 04:51 pm

ما يرجعها لك
اللي يرجعها الوكاله السياحية
وفيه وكالات ترفض ترجع لك أي مبلغ اذا أستخدمت فوتشر السكن
لكن أنصحك فيما لو لقيت لك شقه تروح للفندق وتاخذ منهم ورقه للوكاله بأنك ما أستخدمت إلا ليالي محدده
وتروح للوكاله ويردون لك المبلغ مخصوم منه 10% رسوم إسترجاع
وللعلم كل وكاله تختلف عن الثانيه في أنظمتها