بالنسبه لباريس تروحين لها من جنيف بالقطار والمده 3 ساعات ونص ونصيحه خوذي اوتيل بديزني عشان
تستمتعون يعني يومين حلو لديزني
جنيف يكفيها يوم لكن من رايي تزيدين المده اذا بتزورين مونترو ولوزان واذا معكم سياره تزورون انسي بفرنسا
وايفيان وشاموني اذا تبون
انترلاكن من رايي كثيره عليها 6 ايام الا اذا انتم تحبون الطبيعه
جنيف 4 ايام يوم لجنيف ويوم لمونترو ويوم لانسي وممكن تقسمونها يومين قبل انترلاكن ويومين بعدها
تطلعون لانترلاكن لمده 4 ايام يوم لتوب اوف يورب ولاتفوتك هاالرحله والباقي على حسب وش تحبون
بس احلى شي تمشون بالسياره وتلقونها والمناطق والمدن اللي حوالينها
ممكن يكون التوزيع مونترو ليلتين
انترلاكن اربع ليالي
جنيف ليلتين
ديزني ليلتين
باريس 3 ليالي

*ستار*
اشكرك على سرعة ردك..
من انترلاكن لجنيف بالقطار كم المده ..؟
بالنسبه لمنترو لوزان انسي وشاموني ..؟ حسب ماقريت ممكن اروح لها بالباصات السياحيه صح او لا ..؟
وت از ذس توب اوف يورب ..؟

عذوب
من جنيف الى منترو اما بالباخرة او القطار (ساعة)
من انترلاكن لجنيف بالقطار 3 ساعات
توب اوف يوروب مدري وش تتطلع ممكن تكون حبوب تخسيس
هذي
توب = قمة
اوف يوروب = أوروبا
قمة اوروبا
واللي معروفة باسم ((يونفرا يوخ))
اوكي خلينا اسهل على توب اوف يورب
تطلعبن لها من انترلاكن (من محطة القطار)
شوفي يومياتي حلقة انترلاكن
وكلام ستار 100% صحيح وعين العقل
مو اقل من ليلتين وفي احد فنادق ديزني
و لاتنسين انها صيف يعني بتكون عن جد زحمة ولا نفرة الحجاج داخل ديزني
بالتوفيق

ابو عزيز ..
ابو جود يقول نروح ايطاليا احسن من باريس ..؟!!
بنكنسل حجز باريس ونخلي العوده من ايطاليا وش الخطه ..؟

عذوب
ايه
اصلا كلمني واتفقنا على كذا
كنا عاملين لكي مفاجأة لأن الوصول بيكون
الرياض
روما-----------3 ايام
ميلانو --------------للتسوق ---------3 ايام كافية للقضاء على ابوجود
لوقانو------------2 ايام
انترلاكن------------5 ايام
جنيف------------3 ايام
الرياض
وممكن تكنسلين ؤوما وتخلين البداية من ميلانو
الرياض
ميلانو --------------للتسوق ---------3 ايام كافية للقضاء على ابوجود
لوقانو------------2 يوم
انترلاكن------------5 ايام
جنيف------------4 ايام
الرياض
او
تخلينها ختامها مسك
وتخلين ميلانو اخر السفرة
اخاف يستخدم معكي سياسة وتكتيك قديم وهو " حبيبتي حنا في اوال السفرة واخاف تخترب الميزانية علينا"
لذا يكون الترتيب
الرياض
جنيف------------4 ايام
انترلاكن------------5 ايام
لوقانو------------2 يوم
ميلانو -------------------3 ايام
الرياض
وسلامتك

1000 شكر لك
بانتظار تاكيد الحجوزات بس ماراح تفتتك مني وأسالتي لين ارجع من السفر باذن الله