بالنسبه للمدن الي ذكرتها مابينها طيران داخلي ولكن تروح من اسطنبول الى يلوا بالعباره ومنها تقدر تروح بالسياره الى بورصه
اقترح التالي
3 ايام اسطنبول
يومين يلوا ويومين بورصه
3ايام سابنجا
3ايام ابانت
يومين اسطنبول
او يومين اسطنبول وبعدها طيران داخلي الى طرابيزون 6ايام 3 باطرابيزون و3 باوزنجول
و3 ايام بورصه ومنها يوم كامل زيارة يلوا
يومين سبانجا واخر يومين باسطنبول
واخر نصيحه انك تشوف تقارير الاعضاء عن المناطق عشان تختار الي يناسبك

طيب افضل المناطق من وجهة نظرك لان ماحاب اكثر تنقلات اربع مناطق كافيه

الموج
اقترح عليك تاخذ لك لفه يومين في المنتدى وتكون فكره عن تركيا ( اسطنبول وماجورها - انتاليا وما جاورها

• طرابزون وما جاورها - ابانت وماجاورها )

ثم تجي تمحط بأسألتك هنا واخوانك واخواتك في المنتدى حاضرين
بس كذا سئوال عائم ما يصلح ’’ لأن الناس مزاجات فيه ناس تحب التسوق وناس ما تواطن الأسواق وفي ناس
تبي البحر والشواطيء وناس محافظه يقولون ما نبي نشوف مناظر مقرفه , وفي ناس ( مثلي ) يعشق المطر
والبراد والطبيعه والشلالات والخضره وما يهمني المدن وحضارتها وتاريخها ....الخ
يعني الناس اذواق
انت تفرج وشف ثم اسأل

هلا اخوي انا درت بالمنتدى وانقلب مخي فحبيت اشوف الافضل
حبيبي ابي انوع
مناطق فيها الاسواق ، ومناطق اروح لها فيها البحر والشواطي ، مناطق الشلالات
اما المتاحف واثار وخربطه مابيها
عشان كذا ابي الجدول عليها
طبعا حصلت المدن اشوف الافضل بس مادري ترتيبها كذا اروح لها او لا
3 اسطنبول
5 اوزنجول
3 يلوا ومنها الى بورصة
3 اسطنبول

الموج
معقول اختيارك بس انا ارتبها لك كالتالي على اساس اضافة منطقة شواطيء بتكون 16 ليله 17 يوم
اسطنبول 1 يوم واحد للراحه وثاني يوم على المطار ولا يردك الا انطاليا
4 ايام انطاليا ( خذ لك منتجع على البحر وفلها ) وطبعا خذ لك لفه حول انتاليا ثم منها مباشره دايركت طرابزون
7 ايام طرابزون ( اسكن في طرابزون نفسها ) وكل يوم رح كشته - مره اوزنجول ومره سلطان مراد ومره آيدر ...الخ
4 ايام اسطنبول ( تكفيك بما انك مثلي منتب راعي متاحف
)
وطبعا من هالأربع ايام ان بغيت تروح تتمرمط في بورصه ويلوا يوم كامل رح ولا ابلع العافيه وخلك في اسطنبول
هالي فوق افضل برنامج لك على الأطلاق

يالبى قلبك
طيب التنقل بينها طيران او سياره
الفنادق وش تنصحني فيه

الموج
التنقل بطياره افضل وازين واذا تبي تفاصيل التفاصيل ابشر بكره ان شاء الله
اعطيك روابط الخطوط الرخيصه والطريقه المثلى للحجز ومن اي مطار تطلع
ارخص لك وكل شي , بس انا الحين طافي
قايمن الساعه 5 الفجر وما بعد نمت احس عيوني تسكر من نفسها
الفنادق يبيلك تفر شوي في المنتدى وتعال لي باكر ان شاء الله الساعه سبع ( نظام شياب )