1. السلام عليكم .. مرحبا بك يا اخوي في دبي ..

السلام عليكم .. مرحبا بك يا اخوي في دبي ..

الفندق اللي حاجز فيه انت في مدينة جديدة اسمها فيستفال سيتي .. طبعا هذي مدينة جديدة وفيها اشياء حلوه .. عندي الفيستفال مول .. اللي هوه قريب من الفندق وتستطيع الذهاب له سيرا على الاقدام .. وتروح المول .. وتطلع من جهة البحر .. الجو ها الايام حار شويه لكن حلو على الليل .. في مطاعم من جهة البحر منظر حلو ومطاعم احلى ..
مكان الفندق جيد جدا .. وهو عند الجسر اللي يربط بين دبي وديرة ويطلق عليه اسم جسر القرهود .. وتم انشاء جسر جديد اسمه دبي التجاري ..
روح مول دبي مول جديد وحلو .. فيه اكبر حوض بحري .. تدفع 20 درهم انت والمدام وتدخل نفق زجاجي وكانك في نص البحر .. ولكن شي رهيب .. لاتنسى التصوير. .. وفيه احلى ركن مطاعم ومرتب ... اذا قررت تروح جهة المطاعم في المول فيه شلال صناعي رهيب قريب ردعة المطاعم والبتحديد من يمينك وانت رايد مطعم الباندا الصيني ..
وخل لك يوم روح المرينا ووك .. ويسمونه الممشى .. هذا جهة مدخل مدينة جميرا .. روحة حزة المغرب في ايام الاسبوع العادية .. واتحاشاه في اخر الاسبوع لتجنب الزحام .. ونفس اليوم تقدر تدخل نخلة جميرا ورووح فندق اتلانتس في رأس النخلة .. روح حزة العصر حلو للتصوير ... وفيه كوفي .. اذا عندك سيارة خاصة .. الركن ب 150 اذا مش ح تسكن .. واذا بتقعد في كوفي او مطعم يوم تدفع الحساب قول لهم اريد كوبون موقف .. وبيكون ببلاش الموقف ..
العشا ل شخصين في المطعم اللبناني تقريبا ب 400 درهم .. لكن شي رهيب .. الاكل اللي يقدمونه يمكن قريت وصفه في قصص الخيال .. لكن يوم بتأكل من عندهم بتعرف انه القصص هذي حقيقة ..
اطلع من الشاطيء وصور ..
وفيه حوض بحري يشابه حوض دبي مول ..انتظر تعليقك .. واي مساعدة حاظرين ... من اماكن سياحية .. وفنادق .. ومطاعم .. وتأجير سيارات .. واسواق ..

تسلم على هالمعلومات الرائعه شكراً لك اخوي ..
معلوماتك حلوه بس ياريت تعطيني تفاصيل اكثر عن المطعم اللبناني مع العلم ما معي سياره لاني بتنقل بالتاكسي
وبسألكم ممكن اللاقي التكاسي بكل مكان يعني عند الاتلانتس والمارينا ووك والجميرا ووك وياريت تعطيني معلومات عن
الرحلات البحريه ابغى اطلع البحر لمده ساعه

بخصوص التاكسي .. اول ما توصل المطار .. وانت طالع اشتري بطاقة اتصالات ب 165 مدفوعة مقدما .. واحرص انه يكون بداية الرقم 050 لانه معتمد ل تاكسي دبي .
طبعا اذا كان المنطقة مافيها خدمة تاكسي .. تروح تدخل موقع تاكسي دبي ..
وتسجل معهم .. وتدخل رقم الجوال .. من اتصالات وليس دو .. سيصلك رقم التفعيل ..
ظ…ط¤ط³ط³ط© طھط§ظƒط³ظٹ ط¯ط¨ظٹ http://dtc.dubai.ae/ar.portal?dtceservices,Article_000065,1,&_nfpb=true&_pageLabel=view
احجز التاكسي اون لاين عن طريق الانترنت .. أو احجز عن طريق الرسايل النصية .. جميع الخطوات والتفاصيل متوفره في الموقع اعلاه .. وهذي احد المشاريع الألكترونية الناجحة ...
وبخصوص الجولة البحرية .. فيه جنب جسر القرهود .. في قرية البوم .. فيه سفينه تطلع فيكم جولة وانتو تتعشون ..
وبخصوص جدول الرحلات .. بالظبط حدد لي تريدها تسوق ولا ترفيه ؟

اللي اعرفه بقولك عليه بدون ترتيب
مول الامارات فيه القريه الثلجيه حلوه وممتعه كانك باوروبا
فيه المقهى الثلجي بس نسي اسم الاسواق الي موجود فيه ممكن تسال عنه
مقهى روعه ودرجه الحراره فيه فوق ال10 تحت الصفر بس شي رهيب وممتع
بس خذ معاك سدادات الأذان لان الموسيقى فيه صاخبه اذا ماتحب الازعاج
وكمان فيه السفينه ببر دبي جوله لمدة ساعتين مع العشاء مأكولات بحريه وقهوه وشاي وحلا ووناسه
واللي يميزها سعرها رخيص اذكر انه ب 140 للشخص اذا مازاد من بعدي
هذا اللي اذكر وسامحنا على القصور
بالتوفيق لك بحياتك الزوجيه باذن الله بس ليش ماعزمتنا على زواجك

أول شي ألف مبروك...
ثاني شي موقع الفندق ممتاز... الفيستيفال سيتي وايد حلو و لا تفوت العشاء على القناه المائيه الي في الفيستيفال... في عندهم مطاعم حلوه... و قريب من الفندق سينما جراند سينبلكس و وافي سيتي...
أنصحك تروح المارينا ووك و جميرا ووك... و للتسوق, المولات كثيره... مول الامارات, سيتي سنتر ديره, دبي مول... الخ
اذا بغيت تتعشا عشا عجيب, أنصحك بمطعم برج الحمام في جميرا... في البارك بلازا... مطعم لبناني وايد حلو بس أحسن تحجر قبل طاوله لأن عادة يكون زحمه...
انشاءلله تستانسون...

اشكر تفاعلكم معي ومعلوماتكم كلها سجلتها عندي
بس ياريت تعطوني جدول محدد للتسوق والترفيه يبدا من يوم السبت الى يوم الخميس
وياريت احد يفيدني عن افضل مطعم بمول الفستيفال لاني احتمال اتغدى فيه كل يوم بحكم وجودي بالانتركونتنتال
وبخصوص التكاسي ما فهمت قصدك اخوي قرناس بس اذا كان التكاسي موجوده بكل مكان فهالشئ حلو
بس سؤالي هل هو متوفر في المارينا ووك والجميرا ووك ؟ وشنو احسن المطاعم بالمارينا والجميرا ووك ؟
ادري تعبتكم معي بس اعذروني ^_^

قصدي اذا التكسي متوفر كان بها .. واذا لا تقدر تطلب تكسي ويجيك وين ما تريد بس فيها دفع رسوم اضافية ..
وبخصوص المطاعم عندك خيارات كثيرة وكلها تقريبا حلوه ومرتبه ..

شكرا اخوي قرناس على تفاعلك معي
^_^

مبروك وحياك الله في بلدك الثاني...
اموت ع السناتر في دبي...
وفستفال دبي روحه روعه وفيه في المركز مطاعم وحلات ومن الخلف فيه العاب مطلع ع البحر بس صدق خبال ما استغنا عن خهذا المكان.....
وعندك دبي مول يديد بعد روعه....فيه الاكواريوم اشي اسماك واشي يراير ههه
وبن بطوطه ....وامارات مول فيه ثلج خ
والواحه سنتر ....
انت خبر التكسي بالمول اللي تبي وهو بوصلك ....
ولا تنسا تزور اتلانتس روعه
هذي الاماكن اللي احبها
وحياك وبالتوفيق ان شاء الله