انا من نصيحتي انك تغير الوجه لأندونيسياء لان المغرب ماافضل الذهاب لها باالصيف

ممكن توضح الاسباب يعنى من اى ناحيه ومشكور على الرد

معقوله ولا احد رد الا واحد رغم سمعت المنتدى فوق

aselbjed
يمكن الرجال قصده ان البلد ما تنفع للأطفال .. و الاطفال يزهقو في المغرب .. لانه مافيها اماكن ترفيه للأطفال لاني بصراحة ماعمري شفت ملاهي ( في المدن اللي زرتها مثل كازا ومراكش واغادير ) بمستوى جنوب شرق آسيا ولا حتى بمستوى مدينة جدة او الرياض ..

أولا - المغرب والكل يعرف بلد جميل جدا ولا يختلف عليه اثنين -وأنصحك بالسفر للمغرب وتحاول تسكن في فنادق خمس نجوم - بالنسبة لكازا حلوة مرة - يوجد فيها كورنيش ولا أروع -عين ذياب- وأجزم انك راح تنبسط فيه وخصوصا في الصيف لأن على طول الكورنيش يوجد فيه مقاهي كبيرة ومفتوحة على البحر ويوجد فيها سهرات عائلية وخاصة جدا وأسعارهم رخيصة جدا لا يتطلب الدخول لها سوى طلب براد أتاي - يعني لو كل يوم سهرت في واحد راح تنبسط -وكذلك في فترة الصيف يوجد برضه على الكرنيش أكثر من مدينة ألعاب للاطفال يحطونها في الصيف فقط -واللي قال مافيه ملاهي أطفال غلطان لأنهم يحطونها فئ هذه الفترة
وبالنسبة للاسواق هناك العديد من الاسواق الشعبية اللي راح تنبسط فيها انت والمدام يعني في النهار تمشية في الأماكن العامة مثل سوق بوابة مراكش- وكذلك منطة المعريف - ومنطقة الحبوس - ودرب سلطان إذا كانت المدام تحب الجلابيات واللبس التقليدي المغربي - وكذلك سوق درب عمر وهو سوق شعبي -
أما المطاعم أنصحك بمطعم اسمه السقالة حلو مرة ومستواه حلو - وكذلك على طول الكورنيش يعني في كازا ماراح تمل ومن ناحية استأجار السيارة أنا أفضلها يكمن لأني أعرف شوارع كازا زين - لأني كل سنة أسافر شهر للمغرب مع العائلة ومن جد أرتحنا كثير- يعني 7 ايام حلوة في كازا ولاتنسى منطقة أسمها طماريس تبعد عن كازا 20 كيلو تقريبا -
وبالنسبة لمراكش عاد هذي السياحة فيها رائعة جدا يكفيك ساحة الفنا- تقضي فيها يومين ولا تخلص - ولاتنسى تسكن قريب من الساحة - وخذلك تاطسي ورح لأوريكا منطقة رائعة جدا-

حقيقه شكرن على ردودكم جميعا وخاصه الاخ سمسم999 بس با النسبه للاسعار فى الصيف خاليه يعنى مبالغ فيها من ناحية السكن والاكل واستاجار السياره وماهيه افضل الفنادق فى طنجه وكازا وافران وسامحونا على الاطاله

لا شكر على واجب - بالنسبة للأسعار والله معقولة جدا جدا - مقارنة بالقاهرة وبيروت تعتبر بلالالالاش
رح ولا يكون لك هم - واذا تبي نتقابل هناك أمشيك مضبوط طبعا أنا والعائلة - أنا راعي ديرة وكل سنة أروح وخاصة في الصيف جو رائع وأماكن حلوة
بالنبسة للسكن أسكن في فندق الحياة ريجنسي أو فندق المنصور -وعلى الكورنيش اسكن في رياض السلام وأجزم لك انك راح ترجع لها مرة ثانية -وبانسبة لاستأجار السيارة من المطار من 300 الى 400 درهم وأنا افضل تاخذها من المطار عشان تاخذ راحتك انت وعيالك

يعطيك العافيه اخوى سمسم وان شاء الله نتقابل على خير بس ياليت تقولى كم تتوقع الحراره تقريبا 100 او 50 ههه ههه ههه

نسيت شى مهم اخوى البنزين عندهم احمر واخضر زينا وكم التر لكل واحد ودمت ...................