سانكو
03-07-2022 - 08:36 am
السلام عليكم ورحمة الله وبركاتة
ياجماعة الخير انا متوهق بخصوص سفرتي الي بتكون ان شاء الله في شهر 7 ميلادي
طبعا كنت حاط اكثر من وجهه لشهر العسل وفي الاخير استقريت علي تركيا
وللمعلومية هذي اول سفرة لي خارج المملكة من عام 1993
عندي بعض الاستفسارات واتمني انكم تساعدوني
بالنسبة للخطوط ان حاط في بالي اسافر على طيران الامارات او السعودية هل فيه مقترح افضل
رحلتي بتبداء ان شاء الله من 18 يوليو الى 1 اغسطس وناوي على 3مدن
استطنبول - انطاليا - بودرم
بالنسبة للمدن اذا فيه اقتراح افضل من انطاليا فقط لاني ابي ازور اسطنبول وخاطرها تزور بودرم وانطاليا جت مع البيعة
اذا فيه اقتراح افضل مانستغني
تقسيم الايام
من 18-22 اسطنبول (السكن بيكون في المنطقة القديمة) التكلفة 3000 تزيد او تنقص قليلا
22-25 انطاليا التكلفة 2500 تزيد او تنقص قليلا
25-29 بودرم التكلفة 2500 تزيد او تنقص قليلا
29-1 اسطنبول (السكن بيكون في المنطقة القديمة) التكلفة 3000 تزيد او تنقص قليلا
انا حاط ميزانية بحدود 30000
0طيران بمافيها الطيران الداخلي
0سكن
0معيشة (اكل وشرب)
0هدايا
0تنقلات داخل المدن
0ترفيه
طبعا التكاليف شبة تقريبية
وش رايكم بالجدول حق رحلتي من جميع النواحي
وبالنسبة لسفري بين اسطنبول وانطاليا بتكون بالطيارة لكن من انطاليا الى بودرم كيف الطريقة
ياخوان طلبتكم انكم لا تبخلون على بالراي والمشوره
طبعا سفرتي بتكون بعد زواجي ان شاء الله بيومين
اعتذر عن كثره الاسئلة والاستفسارات
بالنسبة للفنادق انا عندي خيارات بس ودي انزلها في موضوع اخر اذا خلصت من هذي الاستفسارات
انا طالبكم يالنشامي والموضوع كله اجتهاد مني وودي بفزعتكم