S...7
11-10-2022 - 12:39 pm
السلام عليكم ورحمة الله وبركاته ....
اشكر الجميع على المواضيع اللي بصراحة استفدت منها وايد لانى اشتركت قبل عن اسافر من حوالي شهرين الى سويسرا وبصراحة وايد استفدت من خبرة المتواجدين في المنتدى جزاكم الله الف خير ..
ابغي مساعدتكم في السفرة الياية واللي ناوي فيها ازور المانيا والنمسا وفرنسا .........
خط سير الرحلة بيكون من اماراتنا الحبيبة ( طيران الامارات ) الى المانيا واستأجر سيارة واروح الى النمسا ( زيلامسي او سالزبورج ) وبزور المدينتين وابغي أقعد في كل وحدة خمسة أيام وبعدها برجع الى ميونيخ وبقعد ليلتين واليوم الثالث ارجع السيارة وأغادر الى باريس بس شورايكم اروح بطيارة او بالقطار وبقعد في باريس اربعة ايام .
1- سمعت انه في مدينة المانية قريبة من زيلامسي او سالزبورج اقدر ارجع فيها السيارة لاني مب ضروري اقعد في ميونيخ اذا اي احد عنده فكرة ؟
2- اهم الاماكن السياحية اللي اقدر اروحها في المدة اللي ذكرتها ؟
3- الفنادق الجيدة ويكون سعرها حلو ؟
4- هل احتاج لسيارة في باريس ؟
5- شو تفضلون اروح سالزبورج او زيلامسي اول وهل المدة كافية بالنسبة للمدينتين لاني وايد سمعت عنهن ؟
وسامحوني يا اخواني على الاطالة وياريت تخبروني لاني متخربط ، وعلى فكرة بروح انا والمدام وممكن اشل ولدي معاي سنة ونص وبتكون السفرة يافي شهر 5 او 6 .......
اولا .. توقيت السفر افضل بشهر 6
ثانيا المخطط الافضل يوم بميونخ واستلام السياره ثم سالزوبخ 4 ايام وزيلامسي 5 ايام ثم ميونخ يوم تسلم السياره ومنها الى باريس 5 ايام ..
طبعا الطياره افضل من ميونخ الى باريس لان القطار بعيد جدا
اما المدينه المانيه الي تقصده هي هذي
Freilassing
وهي قريبه من سالزبورخ 8 كيلو فقط
سياره ما تحتاج بباريس .. طبعا سالزبورخ بالاول كونها الاقرب الى ميونخ والمده بالمدينتين كافيه
اما بخصوص الفنادق والاماكن السياحيه بنرتبه لا تحاتي بس بعد ما ننتهي من المخطط
اما بخصوص الطفل الصغير اعتقد بتكون عليه الرحله متعبه جدا
تحياتي لك