1. اخلي هالمبلغ في سابك احسن لي ههه

الحقيقة اشتقت لدبي....
وفي النهاية هي "اوروبا" ( ناقص الجو ) قريبة ممكن تروح لها متى ما تبي....
واتذكر مرة رحت اجلس اسبوع, وآخرتها جلست شهر, وما دريت الا وانا صارف تقريبا بمعدل يومي أكثر من الف درهم وحاجة...
يعني قهر ههه لان المبلغ هذا ممكن يكفي اجار ست شهور واكثرها راحت فنادق
اوانا ودي اروح واجي للامارات كثير بدال ما اسافر لدول بعيدة ...لكن صعبة بهالطريقة تطلع غالية بزيادة
بهالمبالغ اسافر اوروبا وخلاص بس ودي بشي قريب اروح له باستمرار بدون ما اشيل هم السكن ( عشان اوفر فلوس في النهاية وفي نفس الوقت استطيع اني اروح لها متى ما ابي بدون ما اشيل هم غلاء السكن )
لكن في نفس الوقت احب الامارات وفي النهاية ما تحس انك غريب فيها ومعزز ومكرم فيها كخليجي
المهم قلت استأجر لمدة سنة, لقيت الاجارات لشقة غرفة واحدة معقولة, في دبي مارينا مثلا, ب 90 الى 100 الف في السنة...
قلت حرام خاصة اني باصير يمكن 70% من الوقت في الرياض...
قلت باسوي ذكي أجل , و ادفع نفس المبلغ هذا, واخليه دفعة اولى لاجار منتهي بالتمليك وعلى الاقل تتملك في النهاية ويصير ما كأنك صرفت شي...
اتصلت على املاك وتمويل وشركات تمويل اسلامي, المهم وجدت اني في النهاية لشقة قيمتها مليون بادفع عليها مليون وتسع مائة الف... وباجلس ادفع مبالغ سنوية كبيرة شوي على مدى 15 سنة ( وش الله حادني؟ )

اخلي هالمبلغ في سابك احسن لي ههه

لاني حتى لو اخذت شقة فندقية مثلا, بحيث انهم يأجرونها لي وانا غير موجود, برضه اتصور انها غالية ولا تستاهل انك تتعهد بدفع مبالغ مثل هذه كل سنة.. وبالتالي راح عامل الاغراء.. ( وصححوا لي ان كنت غلطان )
ارخص شي لقيته هو International City تقريبا ب 50 الف في السنة لكن عندي انطباع انه سكن سيء جدا وما ادري انطباعي صحيح ولا لا.... بس اللي اعرفه بشكل مؤكد انه جهة "شقق المغرب" تطل على مجاري الله يكرمكم ( واشكروا نخيل على سوء الادارة لان سمعتها تأثرت كثير ) واسعار الشراء فيها تقريبا 400 الف
شقق "انجلترا" اظن ما فيها مشكلة الروائح الكريهة حسب ما قرات
بعدين ما ادري عن نوعيات وجنسيات الناس اللي ساكنة فيها... وباتأكد ان شاء الله ان رحت لدبي فنخلي هالخيار على جنب الى ان اسافر لدبي او تفيدوني فيها
طبعا الخيار الثالث شراء شيء تحت التنفيذ والتسليم مثلا بعد سنة او سنة وشوي بس معناها انك تدفع 100 الف تقريبا كل ثلاث شهور احيانا اقل بشوي احيانا اعلى بشوي يعني غير عملي وما فيها اي اغراء...
هل تقترحون شي معين ممكن اكون ما فكرت فيه او ما ادري عنه؟
هل فيه وحدات سكنية جيدة تحت التنفيذ وممكن شراءها بالتقسيط ( اقساط تستمر الى بعد انتهاء التنفيذ بخمس سنوات مثلا ) بدون فوائد؟
هل لديك اقوال اخرى؟ ههه ( هل فيه اقتراحات او افكار اخرى؟ )
الحقيقة من زمان افكر في الموضوع ومن زمان محتار فشوركم علينا يا اهل الامارات..