هلا اخوي مبروك مقدما
شوف الشهر اللى رايح فية بيكون الجو بارد
علعموم خلي الوصول روما
والمغادرة ميلان او العكس
بس ماحددت كم يوم مقرر تكون هناك الشهر كامل

رحلتنا لايطاليا شهر عسل كان 3 ايام روما و3 فينيسيا و3 ميلان ورحنا منها الى لوقانو من الصباح لليل ورجعنا لروما يومين طيران اقتصادي ومنها للبلاد ( انصحك ترجع للبلاد من ميلان لان الطيران الاقتصادي يدققون في وزن الشنط ودفعنا مبلغ جامد على الزياده )
طبعا كان عدد الايام حلو ومناسب

بالنسبه للمواصلات كنا نتنقل بالقطار بين المدن وبالتاكسي داخل المدن ( بس كان مكلف جدا )طبعا ماانسى الباص السياحي الممتع رحنا فيه اغلب الاماكن السياحيه

Om.fajer
ان على اساس انزل في روما 3 ايام واروح فنيسيا 2 ومن هناك اروح برشلونه
كم تكلفة القطار من روما الى فنيسيا للشخص ؟
والمسار يكون واحد ولا فيه تبديل قطارات ؟وبالنسبة للحجوزات القطار تحجز من هناك ولا ؟

هلا اخوي
القطار يختلف سعر التذكرة حسب الدرجة والوقت

انزين كم تقريبا ؟شو الدرجات وكل درجة كم سعرها ؟

مبروك مقدما
نصيحتي حيث كنت هناك قريبا تكون رحلتك 3 روما و 3 ايام فلورنس و 3ايام ميلان
من فلورنس تقدر تروح فينيسيا يوم وترجع عشان فنادقها غالية و ماتستاهل في رأي اكثر من يوم واحد ويوم تلف فلورنس واليوم الثالث تقدر تكمل فلورنس وجزء من الوقت تروح بيزا وترجع، وكذا كسبت 3 اماكن بمدينة واحدة.
ميلاان ممكن تلفها في يومين او يوم واحد اذا ما حتروح السان سيرو وتخلي يوم كامل في كومو نصف ساعة بالقطار من ميلان تقريبا واليوم الثالث تروح مدينة لوغانو في سويسرا وترجع الى ميلان اذا اجازتك 10 ايام والسفر اليوم 11 معناه باقي يوم وداعية في ميلاان تروح فيه الأوت ليت.
هذه نصيحتي المتواضعة وطبعا لا يفتى ومالك في المدينة واقصد هنا الأخ الخبير ابو طلال الما قصر معاي في رحلتي جزاه الله خير.

نصيحة اخيرة لما تكون في روما استخدم الباصات السياحية و تلاقيها في الأكشاك في شارع النشيونالي او بالقرب من محطة الترمينالي للقطارات ولا تستخدم شركة جاو روما أو chou roma لونها سماوي رغم ان فيها ترجمة بالعربي الا انها شركة تعبانة سابونا في الشارع تحت المطر في احدى المحطات ورجعنا للفندق مشي لأننا قبلها بيوم مشينا في شارع النشيونالي والحظ خدمنا عشان نرجع للفندق وارسلت لهم ايميل شديد اللهجة واتوقعت انهم حيعتذرو بس زي ما انا عرفت انهم شركة ما تحترم عملائها نصيحة خليك في الباص الأحمر انا استخدمته في ماليزيا بجد شركة محترمة.