عليكم السلام ورحمة الله وبركاته
لا مانؤيدها و الأفضل كوالالمبور او سيلانقور او بورت ديكسون تكون في النهايه
اما الكاميرون فمتعبه جدا تكون في النهايه يعني لازم تحرك من الكاميرون قبل
إقلاع الرحله الدوليه ب 7 ساعات !!!!! اربع ساعات واكثر مشوار وثلاث ساعات
لازم الحظور قبل الرحله الدوليه وبعده قعده بالطائره 8 الي 9 ساعات راح اليوم كله مشاوير
الأفضل تعدل جدول ولو تعطينا جدولك او عدد الأيام نقترح عليك إذا حبيت

نفس رأي حبيبنا أبو على ...
أنصحك تقلل أيام الكاميرون ...
لتستمتع في آخر ليلة في هذا المنتجع القريب جدا من المطار ( نصف ساعة فقط )
https://artravelers.com/p/re/485276
مجرد التفكير في التوجه من الكاميرون إلى المطار مباشرة مزعج ... ومتعب جدا لك ياغالي ...
بالتوفيق

ZizoVic
من ناحية مخاطرة مافيه مخاطرة لأنه ممكن تأخذ تاكسي من كاميرون إلى المطار 5 ساعات تقريباً أو حتى لو قررت تأخذ الباص الباص يحرك الساعة 8 صباحا من كاميرون والساعة 12 بتكون في كوالا تأخذ تاكسي إلى المطار ساعة فإذا كانت رحلتك بعد الساعة 4 عصرا ماعندك مشكلة لكن فيها إرهاق عليك
لكن الشيء الأهم هو ليه برنامجك مقلوب ؟!!
ليه كوالا 6 أيام في الأول؟ هل لديك ارتباط عمل؟ إذا كذا أوكى أما إذا فقط أنت واضعه بهذي الطريقة فهو ترتيب خاطيء لأنه دايما الأفضل تكون كوالا في الأخير للتسوق ولقربها من المطار
لو حبيت نساعدك في ترتيب البرنامج خبرنا عن المدة والمناطق اللي حاب تزورها وابشر بالمساعدة ..

الله يعطيكم العافيه اخواني على سرعه الرد
طيب هذا الجدول الابتدائي للرحلة(ان شاء الله)
الوصول راح يكون في يوم الجمعة
وراح اجلس في كوالا لمده 6 ايام (الجمعة -الاربعاء) "لظروف العمل "
بعدها سوف اتجه الى لنكاوي لمده يومين (الخميس والجمعة)
ثم الى بيانج لمده يومين(السبت-الاحد)
ثم كاميرون لمده يومين(الاثنين-ثلاثاء)
ثم طبعا بناء على توصياتكم راح اريح يوم (الاربعاء)
ثم راح اتقل الى بالي في اندونيسيا راح اجلس فيها اربع ايام(الخميس-الجمعة-السبت-الاحد)
ثم راح ارجع لكوالا واريح يوم(الاثنين) "لايوجد خط سير مريح للعوده"
ثم العوده(الثلاثاء)
المده تقريبا 19 يوم (4 بالي-15 ماليزيا)
على فكره راح اكون لحالي فقط لا غير , وبنفس الوقت حاب اني استكشف ماليزيا و بالي
بنتظار آرائكم

اه فهمت
انت تبي تسافر من ( كاميرون الى بالي )
يعني اربع ساعات طريق الى مطار كوالا ثم ساعتين تقريبا الى بالي .......... ام ايه تقدر وعادي
بس انا ما انصحك بكذا ... مو القصد التعب .... القصد بيكون وصولكم لبالي متأخر ..
انا اشوف تعكس الترتيب ... خلي كاميرون اول شي وخلي لنكاوي اخري شي .. يعني من لنكاوي الى بالي عن طريق الطيران الماليزي )
يعني يصير الترتيب : كوالا ثم كاميرون ثم بينانج ثم لنكاوي ثم بالي
اذا حجزت عن طريق الطيران الماليزي : تحصل حجز من لنكاوي الى بالي لكن فيه ترانزيت بسيط في كوالالمبور ( اشوفه عادي )
لكن عن طريق طيران اير اسيا ... لازم تسوي حجزين ... الحجز الاول من لنكاوي الى كوالا ثم حجز ثاني من كوالا الى بالي
مدري هذه فكره جات على بالي وشوف رائي الاخوان

النهر الجاري
اقتراح اكثر من رائع ولكن توجد اشكالية و هي تتابع الرحالات
هل اير اسيا يعتمد عليه من حيث دقه المواعيد وعدم التاخير؟
لان الوقت بين وصول الرحلة الداخلية القادمه من لنكاوي وصعود الرحلة الدولية المتجه الى بالي تقريبا ساعتان فقط او اقل ؟؟
ياليت اي احد يفيدنا من الاخوه الكرام علشان أبدء بالحجز وشراء التذاكر
دمتم بودّ

السلام عليكم ورحمة الله وبركاته
اخواني حاب استفسر عن دقة الحجوزات على اير اسيا(AirAsia) والسبب في ذلك لانه راح يكون عندي تتابع في الرحلات يعني مثلا من لنكاوي الى كوالا (رحلة داخلية) ومن ثم الى بالي (رحلة دولية) مع العلم ان الفارق ساعتين بين الرحلتين مع ( امكانية زيادة الفارق ) الى 5 ساعات ولكن سوف تصبح الرحلة متعبه جدا
سؤالي الان لكل من جرب هذه الخطوط هل واجهتكم إلغاءات او تاخير هل تعتبر دقيقه ام لا ؟
وسؤالى الاخر هل يعتبر نوع من المخاطرة تتابع الرحلات لاني سوف احجز قريبا جدا التذاكر ؟
وعذرا على الإطالة

الغالي (زيزو )
أطمئن جدآ من هذه الناحية ...
طيران air asia دقيق في المواعيد بشكل كبير ...
وأنصحك أن تتابع إيميلك بشكل مستمر تحسبآ لأي رسالة يرسلها ( طيران air asia )
وافي

وافي بزمن جافي
وافي
أولا أعتذر عن فتح موضوع جديد
ثانيا من وجه نظرك اخوي وافي ساعتين تعتبر كافيه ام احتاج وقت اكبر للانتقال من الرحلة الداخلية الى الرحلة الدولية