السنة الماضية رحت مع العائلة وماخذين حريتنا والاهل لابسين العباية عادي جدا وهناك الناس متعودة على العباية لكثرة السياح الخليجيين فيها توكل على الله وربنا يحفظكم

أخوي الله يسعدكم ويوفقكم ويرزقكم الذرية الصالحه يارب
بالنسبه للعبايه اخوي لبسها عادي جداً في تايلند كأنك في الخليج أغلب البنات يلبسونها هناك حتى أكثر من اللي مايلبسونها
اتمنالكم رحلة موفقة

كلام اختي اجواء 100 صحيح
اتوكل على الله...مع زوجتك

مرحبا .....
العباية عادي جدا خذ راحتك ..... بس سولك جدول ترتيب

أخي رحال 6:/
أولا - الله يرزقك الذرية الصالحة ( اللهم آمين ) .
ثانيا - العباية مثل ماتفضلوا الأخوان معروفة ولايستنكرها أحد لكثرتها في المواسم ، وتايلند من أفضل الأماكن السياحية للعوائل وهي مريحة جدا من ناحية الأمان والمعاملة والراحة النفسية وتجد فيها جميع متطلبات العوائل وهي أفضل مكان للتسوق . أحزم أمتعتك وتوكل على الله وترجع لنا سالم .

جاء دوري تايلند يعني ما احبذ هذا البلد لانه غير آمن رحت انا لها مره لكن للاسف اتضايقت كثير

نحمدالله على هالنعمة....
نعمة الإيمان والإسلام
والله يجمع بينك وبين زوجتك على خير يارب
ولبس زوجتك للعباية شي عادي جداً في بانكوك وتايلند عموماً
توكل على الله ... والله يرزقكم الذرية الصالحة
أمين
ورحلة سعييدة

مرحبا اخوي الرحال1
طرحت سؤال في غاية الاهميه
في البدايه اسأل الله ان يرزقك بالذريه الصالحه اللهم امين
(و ان شاء الله تشوف عيالك وتزوجهم وتشوف عيال عيالك).
صاحبي بنسبه للعبايه لا بد منها وليس هناك اي احراج او مضايقه من احد على مرتدي العبايه هناك.
ملاحظه / وارجوا الاخوات مايزعلون من كلامي (((بعض))) الاخوات الله يهديهم يرفضن لبس العبايه او الحجاب في الخارج او بالاصح يكشفن رؤسهن كون المكان ممتلاء بالاجانب والاوربيين واصحاب الموضه ولكل يريد ان ياخذ راحته على حساب العبايه ويقولون هذا (((((((عادي نحنا مب في البلاد )))))))).
(وهذا لا يرضي الله ولا رسوله)
اما بنسبه لتايلند مثل ماتفضل الاخ وضح النهار مكان للراحه والاستجمام 100%
توكل على الله

اخوي رحال تايلند مثل ماليزيا اذا كنت رايح ماليزيا مريحه جدا جدا للعوائل والعبائه ابد شي عادي صار عندهم من كثر السواح الخليج
اشكرك