عزيزي
راح تتعب اذا تبي تطالعك ثقافة غيرك
انت اهم ماعليك انك تناظر نظام الدوله اللي راح تسافر له هل يسمح باللبس ام لا
والباقي لايهمك احد مادام انت ماشي بالنظام
بااعتقادي لم تكون الزوجه على طبيعتها بلبسها راح تحترم اكثر لانها تتمسك بما يملى عليها عقلها وليس عقل غيرها
ولاتنسى انت مسافر الى اوربا ناس واعية ومتفهمه

اخوي oxo6oxo
كفيت ووفيت جزاك الله الف خير

معليش أخوي صحيح الوحده تتمسك بعاداتها وطريقة لبسها
بس العبايه السوداء في أوربا تلفت النظر خصوصا من قبل السياح
ممكن تاخذ لها لون أخر وكله ستر في الأول والأخير يعني تغير اللون مايفرق

وكما في شرعنا الحنيف :
الغرض من الحجاب عامة هو ستر المفاتن بأي طريقة كانت
ولون السواد ليس شرعاً شرعه الشارع الحنيف ، إنما هي عادة ورثناها ..
لذا لا ضرر في أي لون تلبسه المرأة مادام أنه يؤدي غرض الستر ..
كان الله معكم وحفظكم

أخوي حسام انا معجب بك كثيراً وأسأل الله العلي القدير أن يوفقك ويعينك على فعل الخير

الحمدلله لبست عبايتي السودا بكل سفرياتي لاوربا مع الحجاب الملون بالوان هاديه ولثمه للوجه ونظاره شمسيه ولم اجد الا الاحترام من الجميع والحمدلله

والله إخوي أنا رحت برشلونه مع إني سفور وكنت لابسه حجاب ملون بس وايد كان في نظرات لي غريبه وماشفت وحده
لابسه عبايه مادري أنا أول مره أروح برشلونه قبل إسبوع جايه يمكن موموسم سياحه بعد
المهم أنا بقولك رأي الشخصي مثل غيري صحيح إن الوحده تلبس اللي يملي عليها عقلها لكن مرات النظرات تزعج فأنا
برأي علشان تلتزم بلبسها وبنفس الوقت تمشي وهي مرتاحه أقترح تلبس اللبس اللي يسمونه (( مانتوا إسلامي ))
اللي زي العبايه بس لون يعني تاخذ كحلي فاتح أو زيتي يكون زي العبايه ومحتشم وتلبس حجاب فاتح بعد لأن الأسود
يشد الإنتباه
ودام الإحتشام موجود لله الحمد شنو المانع ليش إلا العبايه ؟؟؟؟؟؟؟ يعني بس العبايه فيها حشمه ؟؟؟
هذا رأي وأحترم رأي الأخرين وسفره موفقه

شكرا لكم جميعا على ردودكم ولكن اين نجد العباية من لون اخر ؟ يعني من اين استطيع شرائها علما انني من سكان الدمام في المملكة العربية السعودية..... وشكرا مرة اخرى

وليش ماتلتزم بحجابها وعبايتها وترتقب الله قبل البشر وليه كاشفه وجهها خوفا من المشاكل ؟؟ واين الخوف من الله
تذكر دائما( ومن يتق الله يجعل له مخرجا )