حاضرين بس لو تاخذ خريطة من المطار أفضل لك.. أو محطة البترول وهيه قريبة من المطار.
أول ماتطلع من المطار خذ أقصى اليمين بتصعد الجسر مكون من مسار واحد فقط
وبيكون فندق المطار على يدك اليمين وبعد ماتنزل من الجسر بتشوف محطة بترول ((الامارات))
بعد ماطوف المحطة خلك متجه الى الامام تقريبا بعد 700 متر الشارع بيصير 3 أتجاهات
أذا خذت يمين راح تروح جهة الشارقه والسيتي سنتر وانت لف شوي يمين مش أقصى اليمين
يعني في الوسط لانك أذا رحت أقصى اليسار بتطلع على الفستيفال سيتي..
بعد ماتروح الشارع الي في الوسط روح الى الامام بتصعد جسر القرهود وراح يسحب مبلغ4 دراهم
يعني راح تمر على بوابة سالك وبعدها خلك في المسار السريع وتحذر في طرق السرعة 100 او 120 كم
الشارع الي بعد جسر المكتوم يسمى بشارع الشيخ راشد بس انته خذ المسار السريع وتطلع على
شارع الشيخ زايد من تحت النفق وبعدها راح تشوف الابراج اول برج على يد اليسار المركز التجاري
ويدك اليمين فندق فيرمونت روح الى الامام ويوم بتوصل تقريبا نص الابراج خذ المسار الايمن لانك راح تصعد
الجسر والجسر جديد.. بعد ماتصعد الجسر اتجه الى اليسار يعني راح يكون برج دبي على يمين
ومبنى الاتصالات فرع الوصل على يدك اليسار ومن اول تقاطع وانت نازل من الجسر شوف يسار
راح يكون هذا هو الفندق.
والسموحه اذا ما اعرف اشرح بشكل أفضل او عقدت الامور بس الافضل تاخذ خريطة

ما شاء الله عليك أخوي عاشق الخيل
وصفك 100%وان شاء الله أنه اتضح لاخونا بين الغيوم