وعليكم السلام ورحمه الله وبركاته
الرياض راح تمرها لكن تحب تطلع لجده عن طريق الرياض الطائف طريق جده قبل الدخول بمكه
او الرياض القصيم المدينه المنوره جده
من سلوى اطلع مع طريق الاحساء ولا حرض الخرج مع انه لو نويت طريق حرض ما تمر الرياض تفرق لطريق مكه دون الدخول بالرياض بعد الخرج

فيصل
هلا فيصل ...
انا رايح لجده .. وبقعد فيها يوم .. بعدين بروح لمكه .. وبقعد هناك يومين .. ثم برجع لجده وبقعد يومين ..
اللي فهمته منك ... فيه طريقين .. واحد عن طريق الرياض .. والثاني عن طريق حرض ..
انزين انا قتلك شلون ترتيب السفرة .... شنو احسن بالنسبة لي ...
طريق الرياض ولا حرض ...
وكم مدة طريق .... ؟؟
انا مسافر ان شاء الله ومعاي العائلة الكريمه ...

الطريق متعب حقيقه يبيلك تتوقف
زين ليش ما تروح مكه مباشره وتعتمر افضل لك من الرجعه مره ثانيه لها
من الدوحه اذا دخلت الهفوف لك خيارين يا تطلع طريق حرض المتوجه الي الخرج
او من الهفوف تروح لطريق السريع المتوجه الي الرياض
هالطرق من الدوحه الي الرياض الي جده مرورا بالطائف
فيه طريق اخر ( تقريبا ) اللي هو من الدوحه 330 الهفوف 240 الرياض 330 القصيم 450 المدينه المنوره 400 جده

هلا عزيزي فيصل
السبب فالذهاب الى جده اولا … اريح من الدرب بالاضافه الى ملاقاة اقرباء لنا في جده.
والرجوع الى جده لملاقاتهم ايضا.
عصفورين بحجر
انزين اي طريق افضل واحسن
عن طريق الطائف ولا المدينه المنوره؟؟
واي طريق اقصر؟؟

الأقصر طريق الطائف طبعا
بس متعب المفرق الي جده أغلبه شاحنات طريق غير المسلمين هذا اللي اعرف ما ادري اذا فيه طريق آخر هل مكه أدرى بشعابها أنت بالبوابه الغربيه

يعطيك العافيه اخوي فيصل
معليه … اسمح لي … انا توقعت جده تتبع البوابه الغربيه
انزين لاي بوابه تتبع جده؟؟

السلام عليكم ورحمة الله وبركاته
من رأيي أفضل طريق من الدوحة لجده
من الدوحة إلى سلوى تقريبًا 80 كم تقريبًا
من سلوى للهفوف 165 كم تقريبًا
ثم قبل ما تدخل الهفوف اتبع اللوحات المتجهة إلى الرياض حتى تجيك لوحة خريص ولف معها طبعًا من الهفوف إلى الرياض هناك طريقان لكن طريق خريض راح يختصر لك 70 كم
ومن الهفوف إلى خريض 160 كم طبعًا انتبه هناك فرق بين خريص وحرض وانتبه كذلك من البعارين لأن لا يوجد في هذا الطريق شباك والطريق مسارين
من خريص إلى الرياض 150 كم تقريبًا بعد ما تعدي خريص ب 50 كم يجيك كوبري اتبع لوحة الرياض
ثم إذا دخلت الرياض راح تدخل وسطها ركز واتبع اللوحات إلى مكة المكرمة توجد لوحات ارشادية ما تحتاج تسأل عن الطريق
ثم من الرياض إلى الطائف حوالي 800 كم تقريبًا
ثم من الطائف إلى جدة مرورًا بمكة تقريبًا 180 كم وانتبه من الطائف إلى مكة الطريق جبلي نزولاً انتبه للطريق ولبريك سيارتك
هذا من رأيي أفضل الطرق
أما الرياض القصيم المدينة جدة فهو الطريق الأبعد
وجدة تتبع لبوابة الغربية

لالا جده تتبع الغربيه
بو نعوم يمكن أعلم مني وعطاك الخط

السلام عليكم اخوي بو نعووم
انزين .. الحين طريق خريض ... كم راح يختصر لي من الطرييق ؟؟؟
بعدين هالطريق شكله خطر ... عندك خط الخريض .. مسارين ... هذا غير البعارين ,,,
وبعدين لازم ادخل الرياض ... على حسب ماسمعت ... انه الرياض تضيع داخلها بالراحه ...
وبعدين طريق جبلي ... وشكله خطر ....
يبى ... مابي هالطريق ...
افضل الطريق الثاني ....حتى لو كان فيه 100 كم زياده ...
وشرايك انت ؟؟؟