الطريق متعرج وضيق يمر بالكثير من الغابات والشلالات والقرى والسرعة فيه لاتتجاوز 45 كلم /ساعة
والطرق رغم ضيقها الا ان السائقين محترفين وملتزمين ومتعة مناظر الطبيعة خلال هذه الطرق تعتبر
جزء هام جدا من متعة السياحة في كيرلا ..

الله يعطيك العافيه ماقصرت

اخي الكريم اصعب الطرق تقريبا مابين تيكدي الى مونار لأنه صعود والى علو مرتفع جدا وبصراحه مخيف للي مايحب المرتفعات بالسياره مثل حالاتي .. لكن من مونار الى كوتشين اخف بكثير لأنه هبوط متدرج ما تشعر فيه كثيرا الا من يشعر بالدوار مع الصعود والهبوط ومثل ماقال اخي الفاضل ارتكاز جمال المناظر من حولك حقيقة تنسيك الطريق والوقت

الله يعطيك العافيه اخت مونار
طيب ماقلتو لي هو قريب من طريق الهداء ولا اصعب

طيب معليش بسئل اذربلي ودي يكون لها يوم كامل ومن بكرا نروح لمونار ومن مونار لكوتشي
هل هو سهل الطريق من اذربلي لمونار او يصير طويل المشوار ؟

الطريق ممتع بحد ذاته ..
ويزيده جمال تعرجاته ..
فيه شبه من طريق الهدا قبل التعديلات الأخيرة ..
والسيد واحد والطرق ملتويه ..
لكنه رائع
وأهم شيء ماتشوف إلا خضار وشلالات .. مو جبال بس ...
من وجهة نظري يوم كامل في أذربالي كثير
تكفيك ساعات النهار فيها ..
وبعدها تسلك طريق مونار ..
هو صحيح طويل وكله منعطفات وخطيرة شوي .. لكن السائقين ماشاء الله عليهم محترفين ..
ويمكن ياخذ الطريق أكثر من 3 ساعات ونص أو أقل ..
وكوتشين واذربالي المسافة مو مرة طويلة يمكن أقل من ساعة ..
وأهم حاجة
أنك تستمتع بالرحلة ...

الله يجزاك خير
ويتمم سفرتنا لان اختلاف الاراء هي الي تخلي الواحد مايحدد الوجهه
احد يبي تركيا واحد يبي كيرلا والله يسهل

نصيحة
اذا تبي تستمتع بالطريق خذ حبة الغثيان
ولا ترا عيونك بتزغلل
لاتنسى وتندم

مشكور على النصيحه عاد كلش ولا زغللت العيون