السلام للجميع
اول شي اسمحولي على التأخير اللي خارج عن ارادتي وذلك ل انشغالي
بعد روجوعي من المغرب
وثاني شي تقريري بيكون عن الرحله ونصائح للمسافر الى مراكش
وسامحوني اني ما كملت التقرير السابق واتمنى
ان الوقت يساعدني علشان اني اخلص التقرير الحالي
الرحله للمغرب بدت يوم 23/6/2005 يوم الخميس طبعا الرحله
كانت مباشره من مطار الدوحه على القطريه وصدقوني انها ما فرقت ان كانت 7 ساعات او 10 ساعات
شعور التأخير لازم
خلال الرحله كنا نفكر نروح أي مدينه جديده علينا وبعدها
نروح مراكش وبعد تفكير قررنا ان نروح مراكش ونفكر وين بنروح
وللاسف كانت مراكش لها الوقت كله
بعد ما وصلنا مطار كازا استأجرنا سياره من شركه نصحني فيها
مشكور الاخ سياتل وكانت كورولا طبعا مكيفه بمبلغ 400 درهم في اليوم
بالنسبه الى الوصول الى مراكش هناك عده طرق
القطار من المطار الى كازا وفيها تبدل القطار اعتقد في محطه المسافرون
ومده الرحله الى مراكش من كازا حوالي ساعتين ونص
وسعر التذكره حوالي 100 درهم درجه اولى
الطريقه الاخرى الطياره ومدتها 50 دقيقه وسعر التذكره
حوالي 1400 درهم لكن بعض المرات يكون
فيه انتظار يكفيك توصل مراكش بأي طريقه اخرى
وتقدر تأخذ تاكسي من المطار بتعرفه ثابته 1000 درهم
وتنفع هذي الطريقه اذا كان اكثر من شخص
واذا بتوفر اكثر تقدر تاخذ قطار لكازا ومنها تاخذ تاكسي
بمبلغ 700 درهم او اقل
والطريقه الرابعه وفيها توفير في المال والوقت
هي الباص ستي ام
بالنسبه لي اعتقد ان الطريقه المفضله لي هي استأجر سياره من المطار
علشان اكون على راحتي
خذينا السياره وعلى طول اول محطه بترول
وتفاصيل الطريق للي بيروح مراكش هي
بعد محطه البترول اللي في المطار فيه
دوار تاخذه يسار وتتبع السهم في اللوحات اللي لونها ازرق(طريق سريع)
اللي مكتوب عليها كازا سطات
وبتشوف اللوحه هذي لان تقريري عن الرياض وسويته هنا علشان اشوف رد الفعل
وش شعورك لو تشوف بعد ما تطلع من المطار اللوحه اللي فوق ؟
امزح معكم واسمحولي طلعت من الموضوع ونكمل
ومنها تتبع السهم المتوجه الى سطات (السريع)
وبعد ما تدخل بوابات الدفع خلك على اليسار
المتجه الى سطات وبرشيد ومسافته قصيره لاكنه
يستاهل لانك تبعد عن الزحمه والشاحنات
قبل ما توصل سطات توجد محطه دفع وبعدها تدخل
سطات ومنها تتبع السهم الى مراكش
بعد ما تطلع من سطات بيكون الشارع اتجاه واحد
وزحمه خصوصا من الشاحنات
وبعد ثالث او رابع جسر يوجد نقطه للدرك
فخذ بالك من السرعه ومن التجاوز على الخط المتصل
في اغلب القرى اللي بتمر عليها يوجد شرطه
والسرعه محدده في الغالب ب 60 كيلو او اقل
والطريق الى مراكش مدته حوالى ساعتين ونص الى 3 ساعات
حسب الوقفات والزحمه
في الرحلات السابقه كنا نوقف في سطات علشان ناكل
شي لكن لاحظنا ان احنا بعد الاكل يصيدنا الخمول والتعب
فقررنا ان نمشي اكثر مده ممكنه ونقرب من مركش
توقفنا للعشاء في مطعم بعد حوالي ثلثي الطريق
واعتقد ان اسم المطعم اكوشيد وهذي صوره للمطعم
وبعدها توجهنا الى مراكش وصلنا حوالي الساعه 12 في الليل
ومن قبلها كنا مكلمين العساس اللي في اقامه ياقوت لان سكنا
عنده العام الماضي وكان السكن محترم
وبعد ما وصلنا كان العساس ينتظرنا ودخلنا الشقه وما طلعنا لان
كنا تعبانين من السفر
وهذي صوره للشارع اللي فيه الشقه
وهذي صوره من الشقه وطبعا العماره اللي في الصوره
يسمونها العماره الزجاج اللي في قليز وهذا الكلام من زمان
وسكنا فيها قبل كذا سنه واللي بيسكن فيها الحارس اسمه عمر ورقم
صاحب الشقه مكتوب على عمود الليت اللي على الزاويه
وثاني يوم الصبح بعد ما قمنا ولا نشوف الوضع متغير علينا
وبعد ما نزلنا شفنا زحمه عند باب العماره والسبب بوجود كوفي شوب جديد تحت العماره
وسبب لنا زحمه في المواقف والدخول والخروج وقررنا
نغير السكن ولكن في نفس الشارع وبعدها بحوالي 100 متر فيه عماره جديده
اسمها اقامه ناديه
الشقه جديده وسيعه ونظيفه وخذناها ب 700 درهم والشغاله تنظف بس كل يوم
وهذي صور للشقه
وبعد الاستقرار على طول مرجان
والشغلات المهمه هي
حليب سنطرال ,فواكه ,مشروبات غازيه ,السكر (سنيده) ,وطبعا
سيدي علي اللي حصل لي الشرف اشوفه على الطبيعه وصورته
وهذي صورة الثلاجه وطبعا الصوره بعد كم يوم
وبعدها توجهنا الى ساحه جمع الفنا للغداء
في مطعم توبقال اللي لاني من زمان ماكلت طاجين
ولازم اول طاجين يكون مميز وتربطني بهم علاقه جيده
الزيتون مع الحار
موروكن سلاط
الطاجين الغنمي
وبعدها
وهذي بعض الصور للساحه
وسامحوني تعبت وبكمل معكم في حلقه قادمه المزيد عن مراكش