وعليكم السلام ورحمة الله وبركاته
أخونا ولد الكويت حياك بمنتدى الجميع العرب المسافرون
ماعليك إلا الدخول للسعوديه والإتجاه لتبوك ومن ثم محافظة { ضبا }
ومن ميناء ضبا تستطيع تحميل مركبتك مركبتك بالعباره والعباره فيها
كبائن للمسافرين مكيفه وحاول أنك ماتطلع سيارتك إلا آآآآخر شئ
علشان إذا وصلت ميناء سفاجا تكون أول واحد بالتفتيش والجمارك
وسفاجا تبعد حوالي ستمائة كيلو متر عن القاهره وأنصحك بقطع
المسافه نهارا وإذا وصلت تعبان فمدينة الغردقه السياحيه تبعد عن
سفاجا بحوالي ستون كيلو متر وإذا تباعدت المسافه إلى القاهره
وحبيت تسافر لها بالطائره فالغردقه فيها مطار وبإمكانك إدخال سيارتك
بأحد الكراجات وتؤمن عليها ومن ثم السفر بالطائره
نأمل أن نكون قد أوفيناك حقك وأي خدمه أخوك مستعد
تحياتي

اخوى ولد الكويت
انا الان موجود فى تبوك لمدة شهر لو تبى استقبلك او اجهز لك اى شى انا حاضر وها الكلام مو مجامله لك يكفى انك من اعضاء المنتدى واخدمك بعيونى واطلب اى شى تبيه وبامكانك مراسلتى على الخاص واعطيك تلفونى لاى مساعده او تجهيزات فى تبوك او ضبا وسبق رديت على الاخ المغوار حول ها الموضوع على ها الرابط واتمنى اخدمك انت او اى عضو بالمنتدى ولا يردك الا لسانك
اضغط هنا لمزيد من المعلومات https://artravelers.com
تحياتى لك
اخوك ابو مضاوى

والله اخجلتمونى يالربع قسم بالله على ردكم الممتاز هذا ومشكورين وماقصرتو بس الله يخليكم انا ابي اسال عن شي واحدانا من سكان الكويت يعني لو ابي اطلع يا من الحفر يا من الخفجى ابي الطريق من الخفجى الى ضبا او من الحفر الى ضبا لان انا عمرى مارحت الى تبوك وذيك الديار وبعدين يعني ما يصير اجى فى نفس اليوم واحجز والا لازم اقعد يوم والا يومين وبعدين كم مدة الرحله من ضبا الى سفاجا على العابارة الكبيرة وكم على اليخت السريع وماقصرتو والله

اخوى الكويت طقطق اذنك معى
اسمعنى يالحبيب
الطريق بجيبه لك الليله او بكره بالكثير لانى دايما اطلع من الدمام ماعمرى طلعت من الخفجى او الحفر وادخل المنتدى الليله او الصبح تلاقى الاجابه
اما عن العباره الكبيره الى سفاجا 8 ساعات
العباره السريعه ماتوصلك سفاجا توصلك الغردقه وتوصلك ب180 دقيقه يعنى 3 ساعات
اما عن القعده انا اعتقد انك الافضل تريح بتبوك يوم علشان تريح لان طريق تبوك ضبا كله لفات وطريق ضيق يعنى يبغالك تكون مصحصح اما الحجز لاتشيل همه لان الناس الحين راجعه لان الاسبوع الجاى دراسه وبتلاقى انشالله حجز
وبحاول الليله اجيبلك ارقام المكاتب اللى بتبوك وتتصل عليهم وتستفسر عن المواعيد
تحياتى لك

الله يجزاك خير والله ابو مضاوى طيب انا ابيك توصفلى من الدمام وبعدين لازم امر تبوك والا على طول احجز من ضبا والطريق من الدمام الى تبوك هخط سريع والا حارتين

أخوي ولد الكويت
حياك مره أخرى
الأفضل من الكويت هو طريق الحفر وأقرب بكثير والمسافه بين ضبا
وسفاجا أربع ساعات وبالنسبه للحجوزات لاداعي بمجرد وصولك سوف
تجد الحجز هذه الأيام بخلاف المواسم وإذا حجزت من المكتب لاتنسى
التربتك الخاص بالسياره أيضا يجب إستصداره من أقرب مكتب سياحي
وبخصوص ماوردني منك على الخاص فأنا لم أتمكن من الرد عليك مادري
وش فيه ولكن هذه الموديلات تستطيع أن تذهب بها كسياحه ولا
تستطيع بيعها ولا يسمح بذلك للموديلات التي مضى عليها ثلاث سنوات
تحياتي أخوي

الله يجزاك خير والله ابو مضاوى طيب انا ابيك توصفلى من الدمام وبعدين لازم امر تبوك والا على طول احجز من ضبا والطريق من الدمام الى تبوك هخط سريع والا حارتين

اخوى المغوار اخو ى ولد الكويت
اسمعونى من الدمام الى تبوك 1600 كلم تطلع من الدمام للرياض 4 خطوط فى كل مسار طريق واسع بالمره
بعدين الرياض القصيم مثل خط الدمام الرياض
بعدين القصيم حايل وهو خط كويس ومريح
بعدين حايل تبوك وتمر فيه اول شى على مكان يقاله الجهرا وبعدين
تيماء وبعدين تبوك والمشكله كلها فى الخط من الجهرا الى تبوك لانه ضيق وبدون اكتاف ومكسر واذا وصلت تبوك عين من الله خير وريح وبعدين
تواصل من تبوك الى ضبا 260 كلم هو صحيح خطر وضيق وفيه جبال وطلعات ونزلات لكن المناظر اللى فيه روعه وتجبرك انك تمشى بشويش
اما بالنسبه للحجز فيه مكاتب بتبوك وفى مكاتب وكلاء اكثر فى كل متر بضباء لانها بلد صغيره
وبحاول اليوم اجيببلكم ارقام المكاتب اللى بتبوك لانى الحين بتبوك
وانت بكيفك اخوى المغوار تبى تحجز من تبوك او من ضبا لكن احسن تروح ضباء وانت امورك خالصه الا لو كنت تبى تقعد بضبا يوم تريح وتلف على المكاتب
اخوى قاصد معذرة لكن انا مسافر من ضبا على العبارة الكبيره لشركة البلاغه وتوصل سفاجا بعد 8 ساعات
وسافرت على العباره السريعه لشركة ناصر ترافل ووصلنا بعد 3 ساعات الى مينا الغردقه
عموما ساعه ماتفرق بس انا بغيت الاخ يفرق بين العباره الكبيره والصغيره
تحياتى لكم جميعا

مشكورين والله يخليكم لنا قولو آمين ويخليكم للمنتدى