اذا تبي تنزل ميونخ من المطار في قطار يوديك على زيلامسي بس تغير القطار مرتين مره في المحطة الرئيسيه في ميونخ الى سالزبورغ وبعدها تاخذ قطار ثاني الى زيلامسي
المده تقريبا ساعتين
اذا بتروح بتاكسي سعر التاكسي من 200-250 يورو من ميونخ الى زيلامسي المدة ساعتين اذا مافي زحمة
اذا معك اطفال واغراض وايد انا انصحك تروح بتاكسي

الله يعطيج العافيه اختي العزيزة
اختي احنا بنجلس كم يوم في ميونخ قريب من المارين بلاتز + محطة القطار الرئيسية ..
بغيت آخذ رايج هل ناخذ القطار من هناك الى زيلامسي ؟ وكم مره اغير ؟ وهل الموضوع سهل ولا فيه تعب وتوهان؟
واذا بغيت تكسي اطلبه من الفندق بميونخ ، ولا يحتاج حجز مسبق من احد المكاتب هناك؟
معليش راح اتعبج معاي..
بارك الله فيج في انتظار ردج..

Holiday
نصيحة مجرب خذ القطار ,وبدون تردد
اوفر في السعر(الفرق بينهم 900ريال:112: )
واجمل واحلى
والموضوع سهل جدا جدا بس تكون مركز
انت رايح تروح لمدة ساعة من ميونخ الى سالزبورغ
وفي سالزبورغ تغير القطار حتى تروح لزيلامسي برضو تقريبا ساعه
والموضوع سهل جدا بأذن الله

بارك الله فيك اخوي العزيز
يعني وانا في ميونخ اشتري تذكره الى ( سالزبورغ ) ولا هي تذكره كامله تحتوي على سالزبورغ ثم زيلامسي؟
ام اني اخذ تذكرة من ميونخ الى سالزبورغ ومن هناك اشتري تذكره تكلمه الى زيلامسي؟
في انتظار ردكم ، وجزاكم الله خير ،،

عزيزي أنت ستذهب إلى محطة القطار الرئيسيه بميونخ (هوبت بان هوف) وهي قريبه جدا من المارين بلاتز وأمام Easy Net Cafe وتقطع تذكره من ميونيخ إلى زيلامسي وتستقل القطار المتجه إلى سالزبورج و تنزل في سالزبورج و تركب قطار آخر إلى زيلامسي
والأفضل أن تقوم بحجز و شراء التذاكر قبل يومين من موعد سفرك من محطة القطار ولا تنسى أن تطلب الدرجه السايحيه لأنها أوفر بكثير وأيضا يجب أن تكون مركز في التوقيت و مكان صعود القطار (رقم الخط)
وصدقني السفر بالقطار من ميونيخ إلى زيلامسي يعتبر نزهه خياليه و رائعه بحد ذاتها

جزاك الله خير اخوي الغالي ( حريف امستردام )
راح اخذ بنصيحتكم ونستقل القطار
كثر الله من امثالك ، شكراً جزيلاً

انصحك تستاجر سياره افضل لك والله يوديك بالسلامه

انا ما اخى الكريم ان تستاجر سياره لانك راح تتمتع اكثر فيها وتحتاجها فى زيلامسى للتنقل بين قرى المحيطه والتكاليف ارخص لك