السلام عليكم ورحمة الله منتدانا الرائع
كالعاده نبي فزعتكم
باختصار انا مسافر مع المدام وطفل 6 أشهر اليوم ان شاء الله 12 آخر الليل من الرياض الى الطائف اسكن يومين ومن ثم جده 3-5 أيام ثم المدينه اسبوع ومن ثم العوده للرياض ،، طلباتي في كل مدينه الآتي:

• السكن وين فندق او اجنحه فندقيه نظيفه جدا
• اتمشى فين شي جديد او يستاهل الزياره لي 3 سنين ما اخذت اجازه داخل المملكه
• افضل مطاعم مع تحديد للغداء او العشاء ، والكافيهات ولازم تحسبون شغلات البارتشن (عوازل) عشان المدام تاخذ راحتها

بتقولون شوف التقارير والمنتدى اقولكم مريت عالسريع لكن الى هاللحظة جالس اكتب من المكتب وباطلع انام واذا صحيت باشوف ردودكم واطبعها وامسك خط واذا امداني لاحقا بادخل واشوف الردود الباقيه.. ماكان عندي وقت لان الاجازة جت فجأه اليوم فالفزعه وشكرا مقدما