اتمنى الرد باسرع وقت ..!!!

آخي الكريم رح تستلم الحقائب في بكين و منها تسجل دخول الصين و من بعدها تدخل و تبحث عن كاونتر الخاص برحلة من بكين الى تشنغدو و تحط حقائبك هناك منه الى البوابة
سفر موفق إن شاء الله

مرحبا
بالنسبة للفيزة نعم للصين لان حسب معرفتي بان تشنغدو في الصين
بالنسبة للشنط من الافضل ان تستلمها في توقفك في بيكين طبعا اذا كان التوقف كذا يوم
بالنسبة لتوقفك في دبي عادي لا تشيل هم انت في دولة خليجية
يالنسبة لتوقفك في بيكين هل هو ترانزيت ؟؟ او بتطول فيها ؟؟
اذا كان ترانزيت الافضل تخلي شنطك استلامها في تشنغدو
بالنسبة للصين تطمن بلد امان واهلها طيبين جدا طبعا لغة ما فية لذلك اذا رحت اي مكان حاول تاخذ اي كرت محل على شان لو حبيت ترجع توري راعي التاكسي الكارت وهو يوديك له بدون ترجمة او وجع قلب
بالتوفيق

التوقف في بكين يكون .. فقط جم ساعة ..
بس في اجراءات لازم اسويها عند توقف في بكين و لا مجرد تبديل طيارة ؟

مرحبا اخوي
اذا كان التوقف بسيط خل العفش استلامة عند اخر محطة
اذا دخلت الصالة بتلاقي لوحات تدل على اتجاه ركاب الترانزيت , اتبع اللوحات , حاول تاخذ بطاقة صعود الطائرة الى تشنغدو من مطار دبي بدل ما تصف سيرا مرة ثانية
زي ما قلت لك الصين كلها بلد سهلة جدا والمعاملة فيها بسيطة مرة , لا تقلق
اي استفسار مستعدين اخوي
بالتوفيق

تسلم حبيبي و ما قصرت كلش .. ادري طولت عليك وايد .. بس بالنسبة للتذاكر راح يعطوني تذكرة وحدة شاملة و لا كذا تذكرة حق كل رحلة ؟

هلا أخووي ,, انا مسافر كويت قطر بانكوك ,, استلمت شنطي في بانكوك ومن الكويت عطوني البوردن مال مقعد الطيارة حق كل الرحلات في الروحة
وموفق يالغالي

تسلم يالغالي ... و انشالله كل شي سهل و ميسر في الترانزيت
انا شوي خايف لأنها اول سفرة لي ,,, و مشكورين على المساعدة

(_الكويت_)
لا ولا يهمك
قصدك بطاقة صعود الطائرة ؟؟ اذا كان هذا قصدك كل رحلة لها بطاقة خاصة بها ..
اما اذا كان قصدك الناقل بيكون عندك ناقلين الاماراتي والصيني
واي استفسار انا حاضر
بالتوفيق