قوانزو بلد تجاري وليست بلد سياحي .

هي بلد تجاري وليست سياحيه ابدا
هونج كونك ممكن تكون ممتعه لك اكثر

انا عارفه بس المنتدى كله يمدحه من جهت السياحه عشان كذا تفاجئت من الوضع
وزوجي طفشان من الديره لاني كنت اقرأ من المواضيع اللي في المنتدى جزاهم الله خير ومافيه احد يذمها كل العالم منهبلين عليها واصريت على زوجي الا نروح لها كأن مافيه في الدنيا الاهي وللاسف عكس ماتوقعت حتى التكاسي اذا ركبت معهم لازم تتشهد يطير بنا بين السماء والارض ونفوسهم بروس خشومهم.

بالعكس ياختي معظم الاشياء اللي قلتيها ذكروها الاخوان والاخوات في تقارير سابقة
وبالنسبة للاماكن السياحية في كوانزو معدودة وماتنفع للشخص اللي جاي يدور على سياحة (فقط)
تنفع للي جاي عشان تجارة او تسوق
وبالنسبة للاسعار هم يضربون الزبون بمبلغ كبير في البداية (خصوصا الباعة المتجولين) لكن الذكي اللي يصبر ويبحث عن نفس السلعة في اماكن ثانية ويقارن الاسعار ثم في الاخير يكسر السعر الى الحد اللي يبي ويشتري
عموما وسعوا صدوركم واتمنالكم رحلة سعيدة

يا أختي طولي بالك وخوذي نفس عميق وتحمليني شوي....
أنا ماني معك بأن الصين ماتنفع سياحة.....!!!!
بالعكس كلها سياحة
صدقيني بس أنت وسعي صدرك ولاتخلين انطباعك الأول عن البلد يؤثر فيك
لأنه ببساطة ماراح تقدرين ترجعين فأنت مرتبطة بحجز وطيران مو على كيفك
ولاتنسين إنك ممكن بعد ماترجعين الرياض ولو بعد فترة وتقعدين مع ناس يقولون : شفتي السوق الفلاني
ورحتي للملاهي العلانية وأخذتي الرحلة الفلانية وزرتي البحيرة الخيالية و..............و................
صدقيني ,,,,وقتها بس................راح تتندمين مثل ما صار لي
مع إني انبسطت فيها لأبعد حد ولدرجة ما تتخيلينها وتمنيت إني مخليه الرحلة كلها لها ومارحت قبلها لتايلند
لا وأزيدك من الشعر بيت .......ناوية أروح لها الصيف الجاي بإذن الله ....لأني وببساطة ما شبعت منها!!!
وثانياً اقعدي مع نفسك شوي واسترجعي معلوماتك وارجعي لتقارير الأخوان
وثالثاً امسكي ورقة (وأنت تشربين لك كاس شاي يروقك) واكتبي فيها
1/ملاهي كوانزو(تشيم لونج براديس)وهي أكبر ملاهي في آسيا وفيه ألعاب مسجلة بموسوعة جينيس
2/حديقة الحيوان(فيه حديقتين)
3/رحلة نهرية في وقت الغروب
4/تسوق (ومكاسر) وبعدين عشاء فاخر بمطعم عربي فخم
5/رحلة للغابات من المكاتب السياحية المنتشرة
6/انزلي مع تاكسي إلى شنزن وتمشي فيها وبعدين روحي(نافذة على العالم)وراح تدعين لي
7/اطلعي جبل باين واستمتعي بالمناظر الرائعة والجو العليل
8/طولي بالك ولا تلتفتين لمشهد أو مشهدين من التسول أو القذارة (مافيه داعي أذكرك بأن الحاجات هذي موجودة في كل أنحاء العالم حتى عندنا)
9/روحي جزر (هنن أو خنن)أنا مارحت لها بس الكل يؤكد إنها خيال
10/مرة ثانية ........................وسعي صدرك ولاتلتفتين للأشياء
اللي راح تضيق صدرك
(وبعدين بالعكس غالبيتهم غاية في الذوق والأدب والنظافة......بس مساكين عشانهم كثار صرنا نشعر إن غالبيتهم وسخين وطرارين)
وأنا أعتقد إن الشخص يقدر يقلب الصحراء جنة إذا بغى
(الواحد ماراح يكرر مثل هالرحلات دايماً وصدقيني راح تتندمين بعد ماترجعين )
1-هونج كونج يمكن تعجبك من ناحية التنظيم والإستعداد السياحي ....بس لا تعلقين آمالك عليها وبعدين ماتعجبك عشان كذا استغلي كل يوم برحلتك واستمتعي فيه
همسه : لا تخلين البيه(زوجك)ينقل انطباعاته لك لكن أنت انقلي انطباعاتك(الجديدة)له واقلبوها وناسة وبلاش نكد وضيقة صدر

كان سالتي ابو ضرار من اول فهو لكل سوؤال مجيب
لكن خيرها بغيرها وانا متاكد بترجعين لها وتشكرين الرحلهى الثانيه بعد ان تعرفي وين الاماكن السياحيه فيها والاخت نوف جابت لك بعض الاماكن الجيده

الصين فيها أماكن سياحية جميلة ولكن يجب أختيار المكان

مرحب بالجميع اً
لقد شدني للانتباه عنوان الموضوع ، واحب أقول بعض الكلمات بالرغم أني لم أزر الصين
أولاً .. لكل بلد في العالم مقوماته السياحية فلا يوجد بلد لا يملك هذه المقومات ومنها الطبيعة والمناخ والثقافة والتاريخ التي تكون من احدى اساسيات السياحية
ثانياً .. الصين تملك كنز ضخم من الموقمات السياحية مثل سور الصين العظيم و المدينة المحرمة والحضارة الصينية القديمة والطبيعة المختلفة المناخات إلى ....... الخ
ثالثاً .. لكل بلد عادات وتقاليد واسلوب إجتماعي يختلف عن إي بلد أخر حتي لو كان ملاصق له .
رابعاً .. إذا قلنا بأن الصين بلد غير سياحي فماذا نقول عن الهند و سيرلنكي وبعض الدول الافريقية الاخري .
خامساً .. يجب علينا تعمق بالفكر وتقبل مجتمع الدولة التي نرتحل عنها ويجب نأخذ بالاعتبارات بأختلاف العادات والتقاليد والاساليب للدولة بأنها تختلف عنا .
وتقبلوا خالص تقديري

باختصار شديد
كل شخص سافر الى كوانزو وقال انها غالية فهو غلطان
والسبب : لا تحكم على الاسعار عند السؤال وانما احكم على الاسعار وقت الشراء لانك سوف تجد البائع يقبل يدك حتى تشتري منه اذا وجد انك جاد في الشراء .
ثانيا : الاسعار تختلف من مكان الى اخر ومن مجمع الى اخر ومن دور الى دور اخر في نفس المجمع
يعني يحتاج الواحد ان يدور وايد علشان يستفيد من الاسعار .
بالنسبة للسياحة فهي جيدة نوعا ما ولكن ليست للاشخاص المدمنين للسياحة لانها بلد تجاري بحت وتم اضافة السياحة اليها .
انا ضدك اسعار كوانزو ممتازة الى يوم ولكن مع الكميات الكبيرة والدخول الى خشم البائع حتى ينزل في السعر