هلا
التنقلات كثير بين المدن......
انا اشوف انكم تلغون السكن في فينيسا وتخلونها كلها في ميلان......
وسالسبورغ......الغوا السكن فيها وخلو كل السكن في سلامسي,,,,,
وبالنسبة لجنيف تراه ,,,,,,مرة كيئبة ماهي ماهو متصور,,,,,,,
الفنادق كثيرة.....ممكن تحدد لي متى سفرتكم بالضبط.....و ميزانيتكم لليلة الوحدة ,,,,,علما انكم بتحتاجون غرفتين
ومنها اقدر اشوف لك فنادق ممتازة
بخصوص استفسار لموقع بوكننغ......هي سهلة وبخصوص الاطفال على حسب عمرهم.......
اذا اقل من 12 سنة يكون مجاني......واذا اكثر يحسبون لهم كلفة السرير
بأنتظار ردك

يعطيكي العافيه
طيب يعني راح يكون فيينا-زيلامسي-ميلان-انترلاكن -جنيف؟
طيب كيف اطلع من زيلامسي الى ميلان؟ صحيح مثل مايقولون الطريق طويل؟
ماحددنا بالضبط موعد السفره بس احتمال 15 يوليو

beto
قدر الله علي ونشبت لاهلي الا نسافر اوروبا
وبعد سنوات مديده وافقوا
طبعا بحكم اني تلقفت واصريت نسافر قال ابوي انتم خططوا لكل شي
تكفون لاتطنشون والله ماتصدقون قد ايش السفره هذي مهمه بالنسبه لي
المهم
ابغى تخطيط ل 3 دول اللي هي النمسا-ايطاليا -سويسرا
وعشان اريحكم صار لي شهر ساكنه بهالمنتدى بقولكم سير الرحله بشكل مبدئي واذا يحتاج تعديل علموني
الرياض- فيينا والعوده جنيف الرياض
فيينا->سالسبورغ->زيلامسي->البندقيه->ميلان->انترلاكن->جنيف.
فيينا 3 ايام
سالسبورغ 2 يوم
زيلامسي 3 ايام
البندقيه 1 او 2 يوم
ميلان 4 ايام
انترلاكن 4 ايام
جنيف 3 ايام
التنقلات ماقررنا بعد بس اتوقع قطارات
والفنادق عددنا 6 اشخاص
4 كبار وطفلين لما احجز بموقع booking عادي احجز غرفتين لكل غرفه شخصين كبار والاطفال واحد بغرفه والثاني بالغرفه الثانيه ولا يسوون لنا سالفه؟
واذا تعرفون فنادق كويسه وقريبه من السيتي سنتر ابغى اسمائهم .
تكفون ردوا علي ,,,,,,,
والله العظيم ما ابي اهبط من عزميتك واتمنى الله يوفقكم ويسهل عليكم مشقة السفر لكن ابي اقلك شي مهم .
السفر يحتاج الى تخطيط مبكر خصوصا اذا كان الى اوروبا .
انتي متأخره كثير جدا وهذا سوف يحد من خياراتك في السكن والطيران وكذلك سوف يجعلك تدفعي اكثر وتسكني في اماكن لا ترغبي السكن فيها.
انا مسافر في 20/7/2010م .
تم شراء تذاكر الطيران وحجز جميع الشقق والفنادق وحجز السيارة وبكره موعد استلام الفيزه وتم صرف اليورو وباقي صرف الفرنك السويسري يوم الخميس .
ابي اعطيك مثال بسيط الفرق بين سعر السيارة الى حجزتها قبل شهر ونصف وسعرها اليوم مرتفع (105) ريال في اليوم اضربيها في (25) يوم وعليك الحساب .
والله هذه المعلومات للفائدة فقط اتمنى لكي سفرا سعيدا .
ارجوا كل من يقرأ هذا الرد يذكر الله ويدعوا لنا بسفرا سعيدا فالسفر مشقة حتى لو كان للسياحة والاستجمام

معليش اخي عادل .. بس لا تهبط من عزيمة البنت لسه باقي شهرين و يمديها تضبط كل شي ..
اختي انصحك تلغين النمسا و تخلينها على ايطاليا و سويسرا .. اقرب لبعض ..
بس ما قلتي لنا المده كم ..
بالنسبه للفنادق الوضع عادي طفل في كل غرفه مافيه مشاكل في اغلب الفنادق ..

عادل 9 -_-
ماعليه اخوي اعرف ناس يجزمون لابدت الاجازه
بس يمكن انت طبعك اللي تشيل هم وماترتاح الا لحد ماتضبط امور السفر
عالعموم الله يسهل عليك وعلينا
اخت mzoon
احنا بنجلس مابين 20-22 يوم
وبحكم انها اول مره اسافر هالدول ابغى ازور اهم الاماكن فيها يعني مثلا ايطاليا بس ميلان و فينيسيا يعني ماراح ادحدر تحت واروح روما وافر ايطاليا لا طبعا لان المده ماتسمحلي وغبير كذا ماحب نطول بالمدينه نفسها خصوصا لو كانت صغيره
اجل انتي تقولين الغي النمسا وانا احاول ادخل ميونيخ بالغصب ضمن سير الرحله

عزيزيت مو مهم تزورين اكبر قدر ممكن من المدن .. المهم يكون مخططك مريح و منوع و لو بقدر قليل من المدن ..
2يوم ممكن تزورين فيها 4 مدن و بشكل مريح .. و انتي اختاري
و فيه مدن حتى لو كانت صغيره رحلاتها كثيره .. زي انترلاكن ..
و لك القرار عزيزتي

طيب معليش اخر سؤال؟
اقدر اطلع من زيلامسي لميلان بالقطار ؟ ولا المسافه طويله ؟

لا ليش اخر سؤال !! خذي راحتك على الاخر ..
حاولت اجرب لك في موقع القطارات الاوروبيه و ما نفع .. لانها بعيده جدا .. بالسياره 6 ساعات

هلا
من سلامسي الى ميلان بالقطار اكثر من 6 ساعات لانها في تبديل قطار في سالسبورغ,,,,,,
الافضل السيارة لانه اونس,,,,,,