بما إن الصيف قرب .. ونزول الأسهم خلت الأخلاق تجاريه .. وما صرت أسمع في البيت إلا كم نسبة باقيتلك وتعوض ؟.. بتسلف وأدخل من جديد وأعوض !! .. وكأني بصالة قمار ( والعياذ بالله )
قررت أتبرع هذا الصيف وأسفرهم على حسابي .. حسبت ميزانيتي ولقيتها ما تتعدى الثلاثين ألف .. وبدأت رحلة البحث عن المصيف اللي يناسب ميزانيتي :36_1_37: .. واستقريت على ماليزيا .. ( بما إن الكل صابته عدوة السفر لماليزيا إلا عائلتنا ).. وبدأت أجمع المعلومات وحددت البرنامج .. لكن وقفت محتارة في تحديد ميزانية المصاريف هناك :icon_scra .. لقيت أرقام متباينة في المنتدى بشكل فضيع .. من بين 200 ريال لليوم لشخصين إلى بعض الردود إللي وصلتها إلى 600 وفيه ناس تقول أضرب كل يوم بألف ( ما تقصد أبو ميسم أبد )
المهم : جمعت أسعار التذاكر .. والمواصلات .. ووجبات افتراضيه حتى أحدد الميزانية وطلع لي مبلغ رهييب :8888: .
شوفوا معايه بليز إذا كنت حاسبتها صح أو لا ؟ ما أبغى أتفشل قدام أهلي :redface:
المدة 12 يوم ( كان نفسي 14 بس أخاف الميزانية ماتغطي )
عددنا 5 أشخاص .
الفنادق المختارة :
2- الخيول الذهبية .
4- باي فيو بيتش ( ياليت تقولوا لي كيف بوفيه الإفطار ؟ لأن باقي الفنادق عارفتها)
2- جنتغ
4- برجايا تايمز سكوير
طلعت لي بثمانية ألاف مع الإفطار .
المواصلات :
من المطار للخيول 100+ منها لبيانج 500+ منها لجنتغ 500 + منها لبوكيت تنجي 100+ منها لكوالا 150+ منها للمطار 100=1500
1500+ 500 مشاوير داخليه 12 يوم -= 2000