كاش
26-05-2022 - 12:59 pm
بداية أشكر الجميع على هذا المنتدى الرائع والأعضاء الأروع على ما تقدمونه لاخوانكم من خبرات واجاباتكم الوافية
بصراحة حبيت أخذ رأيكم في برنامج رحلة العمر ( شهر العسل ) ترانا ما نبي نتفشل تكفون
البرنامج هو كالتالي :
الوصول الى مطار كوالا والذهاب مباشرة الى لنكاوي منتجع بلنقي بيتش غرفة دايلكس مطلة على المسبح 3 ليالي ,
والذهاب بالفيري الى بينانج منتجع ميتيارا غرفة مطلة على البحر 4 ليالي
وبعد كذا نركب الطائرة الى مطار كوالا ومباشرة الى فندق جنتغ 3 ليالي
وبعد الاستمتاع بجو جنتغ البارد أروح على سن وي لاقون 2 ليلة
وآخر شيء كوالا فندق ريساسنس renaissance kul hotel خمسة نجوم أربعة ليالي
وش رأيكم في البرنامج وخصوصاً فندق كوالا وموقعه من شارع العرب و أماكن التسوق تراني أول مرة أروح هذي الديرة ,علماً بأن الفترة من 20 أغسطس الى 6 سبتمبر ( هل هذه الفترة مليئة بالسياح زحمة يعني ) ويعطيكم ألف عافية ولا تحرمونا من اقتراحتكم
السلام عليكم ..
حياك الله أخوي كاش .. وألف مبروك الزواج .. والله يوفقكم إن شاء الله ..
برنامجك إن شاء الله إنه ممتاز .. بس عندي بعض الملاحظات عليه ..
أنا أشوف لو تريحون في كوالا قبل لا تروحون لنكاوي .. وأقترح عليك فندق الخيول الذهبية .. وتراه فخم جدا وهادئ جدا ويلح للعرسان اللي يدورون الرومانسيه .. وتراه خارج المدينة وقريب من المطار ..
تاخذون فيه يومين وبعدها على المطار وعلى لنكاوي ..
بيلانقي بيتش ممتاز جدا ومافيه كلام .. بس الأفضل إنك تاخذ غرفه مطله على البحر ويفضل دور علوي عشان تبعد عن الحشرات .. ترا الغرف اللي حول البحيرة تتواجد فيها ..(( الظواطير)) على قولت أهل الرياض أو ((الوزغ)) على قولة أهل الغربية ..بينانق موتيارا ماعليه كلام ..
جنتنق أنا بالنسبه لي أفضل عدم السكن فيها .. وتخصيص يوم لها من أيام كوالا أطلع لها وأرجع أخر اليوم .. لأنها صغيرة ويمين فيها ممكن إنك تمل ..بالنسبه لي رينايسنس في كوالا فندق ممتاز وخمس نجوم وفخم .. ولو إنه فيه نيو وورلد رينايسنس الجديد أحلى منه لأنهم ترا إثنين رينايسنس (( نيو وورلد وينق )) و (( رينايسنس وينق )) والأول أحلى .. موقعه ترا بعيد عن شارع العرب جنب البرجين التوأم ..
وتقدر تشوف خريطة بمواقع الفنادق في كوالا في الموضوع اللي في توقيعي ..
تحياتي لك أخوي وبالتوفيق إن شاء الله ..