1. بسم الله الرحمن الرحيم..

بسم الله الرحمن الرحيم..

موضوع الساحل الشمالي يطول .. وبصراحة لو شوفت البحر وجماله هناك مش حاتقدر تغمض عينيك ..
المهم يمتد الساحل بطول 300 كيلو من اسكندرية لمحافظة مرسي مطروح الرائعة مرورا بالعلمين وسيدي عبد الرحمن والعجمي وكلها شواطيء علي مستوي عالي .. وعلي طول ال300 كيلو قري سياحية مالهاش عدد واوتيلات زي( موفينبيك العلمين) واوتيل ( اسيد) العلمين والاماكن دي تتمتع بخصوصية وكان المكان ليك لواحدك..
واشهر القري السياحية عالاطلاق ( مرينا) ودي فيها صفوة المجتمع المصري ( فلل عالبحر مباشرة-وللداخل- وشاليهات رائعة ) بصراحة الي يروح مارينا بيكون مش عايز يخرج منها ابدا من جمالها وخفة دم المكان.. وطبعا امتداد مارينا داخل عرض البحر( فلل جزر فينسيا) وهيه فلل في عرض البحر تجنن..
بالنهار البحر ( في البحر المفتوح - والبحيرا ت وهي اهدأ للاطفال وآمنة جدا- رياضات الجيت واللانشات -والصيد)
السوبرماركيت كثير ومطاعم الاسماك احسنها ( فيش ماركت- سي جل) تاكل اجمل سمك طازج ويتعمل قدامك.. بصراحة الي يروح اسكندرية ومايروحش مارينا فاته الكثير..
باليل الملاهي والاسواق والزحام وليل مارينا كانه نهار لو بقيت ل3 و4 الصبح ماتحسش بالوقت..
اسعار الفلل في مارينا تختلف تبعا للمساحة والبعد او القرب عن البحر وطبعا الموسم في اشهر ( يوليو واغسطس ) اغلي شيء.. وطبعاالمسرح الروماني في مارينا بتتعمل فيه كل يوم حفلة في الصيف ( كاظم الساهر حفلاته بتكون الاجمل) احبه
باقي القري السياحية اجملها ( مينا 1و2و3) وبتتعمل فيها دايما باليل حفلات للمطربين خلال الصيف وفيها سينمات .
بعض مناطق في الساحل الشمالي بكر ولم تطئها قدم انسان ممكن تروح تحط شمسية وكراسي وكان الكون ملكك ..
ان شاء الله تجربوها وتنبسطوا
بنت اسكندراينة موت