%22 نُ %22
مع التحية
هلا بأخي الفاضل حياك الله بين أخوانك وخواتك تفيدون وتستفيدون بالنسبه الجو عن تجربتى بشهر واحد اللى طاف
كان علينا ثلج شوف تقريري تحت بالتوقيع والاجواء بدون أطفال ممتازه فى لندن يوجد التنزيلات والعروض اما المناطق الساحليه بارده جدا
وأي خدمه أحنا حاضرين

السلام عليكم ورحمة الله وبركاته
هلا وغلا الغالي
وحياكم الله بين اخوانكم وخواتكم وان شاءالله اتفيدون وتستفيدون ..
اذا كلنت هذي زيارتكم الاولى فالأفضل تقضوا كل المده في لندن ..
واذا زرتوها من قبل فقسموا المده بين لندن وبين مدينه ثانيه نفس نيوكاسل او مانشستر ..
اما الجو ف عن نفسي احب هالأجواء وخصوصاً اذا كانت بدون اطفال ..
تجديد شهر العسل في جو بارد ^_^
واي خدمه احنا تحت امرك الغالي

الجو حالياً برد يذبح وتوه كان نازل ثلج والهايد بارك صارت بيضا من الثلج
يعني اذا جيتوا مب قادرين تقعدون برا من برودة الجو خصوصاُ انكم ماجربتوا برودة اوروبا من قبل وبتكون السفره تعيسه بالنسبة لكم
واصلا المطارات سكروها من كم يوم بسبب الثلج والحين افتحوها مره ثانيه
حتى لو تلبسون ملابس شتويه من فوق لين تحت ماراح تتدفون
الله يعينكم

النوريq
ليه هالتشاؤم !!!
خليها تشوف هالبرد جو جديد احسن من حر الصيف

وحياكم الله بين اخوانكم وخواتكم وان شاءالله اتفيدون وتستفيدون
انا من المؤادين السفر في البرد
توكلو على الله

@jwdy@
بالعكس الجو في الصيف لطيف وفيه برودة
أحسن من البرد الحين
تحسين كأنه عقاب مب نعمة

واي ليش التحبيط يالنوري انا بعد بروح شهر 1 و2 باذن الله
اول مره اجرب جو شتوي غير الكويت بصراحة وايد متحمسة في اماكن وايد مغلقة والسفر خبرات وتجارب ومتعه
توكلوو على الله وان شاء الله نصادفكم هناك

انا باذن الله بجرب البرد براس السنة ولو اني مجربة برد لندن بس مو هالتوقيت

لندن جميلة جميلة وشتاءها اجمل.. والي ماينبسط بلندن ومايعرف ينبسط فيها بالشتا معناته ماعرف حق لندن.. اهم شي الواحد يكون مستعد خذوا فيتامين سي من الصيدلية وحبة وحدة كل يوم ولا تشربون بارد ابد .. تعلمنا من الانجليز: لاحياة في لندن بدون فيتامين سي ههه
انا على قول اهلي صرت لندناوية .. احيان حتى ما اطلع بجاكيت انساه.. اهم شي عندي الشال.. الجو بارد جدا لكن حلو اهم شي الواحد يدفي اذنه والرقبة ويلبس شرابات وقفازات.. (مالبس قفازات ابد ماحبها)
والله لي سنتين بلندن ماقد انبسطت كثر ما انبسطت هالشتوية علماً بأن هالشتوية البرد قاسي واشد من السنوات الماضية حسب كلام الإعلام.. جد رائعة لندن بجميع حالاتها.. لدرجة اليوم الي ما اطلع اسهر فيه مع البنات احس ان يومي حرام ضايع واحس بذنب واليوم الي ارجع فيه البيت قبل 1 الليل احسه ناقص.. لأن شتاء لندن معناه ليل لندن وحياة لندن بالليل .. وفرصة تكون التخفيضات على نهايتها ان شاء الله يمديكم تشوفون شي حلو
توكلوا على الله وروحوا