اليوم حابه احط لكم البارت اللي كان بتقريري السابق
https://artravelers.com/p/re/262000 للاعضاء اللي ماشافوه ... وان شاء الله يفيدكم ....
السوق العائم « Floating Market »
تتميز رحلة السوق العائم « Floating Market » بغرابتها وطرافتها نظرا لاسلوبها وفكرتها الجديدة ...
وهي عبارة عن ركوب قارب خشبي صغير، تايلندي الطراز يتسع لنحو 4 اشخاص فقط اضافة الى السائق الذي يقود ركابه
وسط النهر، و تنتشر البيوت والمعابد والاشجار على الجانبين اضافة الى الاسواق في وسط النهر.
تحتل النساء جانبا من النهر ليبعن بضائعهن التي تتمثل في الخضراوات والفواكه داخل قواربهن الخشبية وعلى ضفاف النهر
ولا بد ان يتذوق الزائر بعضا من الفواكه قبل شرائها وقبل الدخول الى السوق الرئيسي والانشغال في التبضع.
رحلة التسوق في تايلاند وخصوصا في سوق غريب كالسوق العائم هي متعة كبيرة
الزوارق متلاصقة جدا الى حد أنهم دائما يحذرونكم من وضع يديك خارج الزورق حتى لا تؤذيها
اشترو فاكهه من السوق وايد رخيصه ... واللي تحب المعبوج .. الفلفل يابلاش حار ويلسع
اذكر شريت اللي بمركب المرا كله تقريبا 4 كيلوات ب 300 بات
هذي مثل عجينة القطايف بس ... يحشونها ربيان مهروس
مستحيل نجربه طبعا
موز مقلي
موز مشوي ههه
طبعا حواليكم كله بيوت ناس فقارا ... يحلوهم ... عيشتهم بسيطه
هذي الحجيه اللي شرينا منها فلفل
سيفتي جكيت ... احتياط ... بس في اماكن الماي ما يكون عميق ..
صاحب المركب يقول هذي اختي ... ربحوها واشتروا منها ... طبعا اسعارهم اغلى من
ربعنا ببانكوك بحكم بعد المكان .... احلى شي تشترونه ضفدع خشبي
معاه عصا ... تمررين العصا فوق ظهره .. راح يطلع معاك صوت
الضفدع ...
وبعد عندك فواصل للكتب تهبل خشبيه وراسها بنات بزي تايلندي
وعندك بعد ست مهاف .. كل مهفه بلون ونكهه .. الصفرا ليمون
والحمرا فراوله والخضرا نعناع ...
لايطوفك ..
شوفو عيالهم وين قاعدين ..والله لو عيالنا جان رواسي ( على روسهم ) ههه
على فكره كانو يركضون على الطوفه او هالممر الضيج ويلعبون
ملاحظاتي لسوق :السوق يبعد عن شارع العرب تقريبا ساعه ... الطريج واايد حلو خصوصا لما تمرين على مزارع العيش
روحوا بيوم يكون فيه الجو حلو ومغيم ...
اخذو معاكم وجبات صغيره سناك ( بطاط - كب كيك - عصير - ماي ) واكيد لاتنسون الكاميرا الصراحه
المكان وايد حلو وغريب ... تحسين انك بتايلند صج
اغلب المكاتب السياحية الموجوده بالمجمعات او بالفنادق تبالغ بالسعر لروحة هالسوق اغلبهم بيقولون 3000 بات
روحه رده ... لان المكان مافيه تكاسي ... فلازم اتفاقك يكون مع التاكسي
رايح راد ....
بالنسبه لي مسؤول بالفندق مال الجناط ... دبر لنا تاكسي روحه ورده ب 900 بات بس
طبعا اول ماتركبون القارب ... ايي مصور ويصوركم ....؟؟؟؟ ليش ؟؟؟
علشان لما تنتهي الرحله ... تلقونهم مزهبين لكم طاوله عليها بطول ماي وفاكهه وصحون
مثبتين بقاعده وبكل صحن صوره لكم ....( الصور بمبلغ رمزي )
تبقى ذكرى لهالمكان الحلو ......
- الاوزان الثقيله لاتحاتون المركب ثابت وركوبه سهل ومتوازن ....
هذي صور من الشارع التايلندي
