أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اساسا السوق الحرة في مطار باريس صغيرة جدا ولا تسوى واسعارهم غالية رغم انها بدون تاكس الأفضل انك تشتري من داخل باريس وتاخذ اوراق ارجاع الضريبة وتختمها بالمطار وترسلها بالبريد.
شلون ما فهمت يا إخواني شلون الطريقة إذا أخذت الأوراق وختمتها في المطار يعني شلون أعطيهم صندوق بريدي الي في السعودية ولا كيف يعني وكيف أرسلها انا ولا هم ما فهمت والله ؟
وهل كل محل عنده أوراق إرجاع الضريبة من السوبر ماركت لمحلات الماركات ؟
وش كتابتها بالانجليزي أوالفرنسي
انا اقولك :
الحين اذا شريت اغراض بقيمة معينة وعادة بعض المحلات يكون عندهم حد معين من المشتريات عشان يعطونك ورقة الضريبة وغالبا لابد تكون المشتريات اكثر من 178 يورو عشان يعطونك ايصال حق التاكس وهذا الايصال وغيره من الايصالات تاخذها من المحل وعند المطار فيه شباك معين تعطيهم الايصالات (امريكان اكسبريس) وجواز السفر واحيانا يطلبون يشوفون البضاعة الي شريتها وحينها يتم ارجاع التاكس لك ......................
بالتوفيق
بما انك سائح فمن حقك ان مشترياتك تكون بدون ضريبة مبيعات طبعا هالشيء مايشمل المأكولات سواء من سوبر ماركت او مطاعم والسكن بعد . مشترياتك بحد معين مثل ماقالك حمودي تقريبا بحدود 175 يورو المفروض تكون بدون ضريبة تاكس فري tax free اذا اشتريت من محل واحد بقيمة 175 يورو يعطيك ورقة ارجاع الضريبة ويكتب فيها معلوماتك ولازم يكون معك جواز السفر او صورة منه ويحط هالورقة بمظروف ويخيرك تبي قيمة الضريبة عند المغادرة كاش او ترجع بحساب البطاقة الأئتمانية ... يوم السفر في محل بالمطار تروح وتعطية هالاوراق واحيانا يطلب يشوف الاشياء الي شريتها انها موجودة معك وما تصرفت فيها بباريس وانك بطلعها معاك ويختم على الأوراق ان كنت طالب القيمة كاش تروح لشباك ثاني ويعطونك القيمة واذا كنت طالبها تدخل بحساب بطاقة الأئتمان بعد ما تختم الأوراق تحط كل ورقة بمظروفها وتقفلها وقدامهم فيه صندوق بريد تحط المظاريف فيه وبعد ما ترجع بالسلامة راح تدخل المبالغ في حساب البطاقة وهالعملية تاخذ تقريبا شهر او اكثر.
ألف شكر لكل من ********************"""حمودي وطير وأسيرة الغربة****************
وإذاً على هذا فإني أطلب من صاحب المحل أني أستعيد الضريبة كاش أفضل.
لكن سؤالي الاخير حفظكم الله كم نسبة التاكس كم في المائة ولا يختلف من محل لمحل
