http://www.samui-finder.com/en/koh-samui-info/money-in-thailand/bank-account-thailand/
=========
كيفية فتح حساب مصرفي في تايلاند http://translate.google.com.sa/translate?hl=ar&langpair=en%7Car&u=http://www.samui-finder.com/en/koh-samui-info/money-in-thailand/bank-account-thailand/

مشكور يالهدار على سرعه الرد وهذي الهقوة فيكم

وعليكم السلام
اخوي فتح الحساب بسيط جدا بس اخذ معاك صورة الجواز ولما تروح البنك يعطونك ورقة تعبيها
بالاسم ورقم الجواز والسكن ورقم الهاتف اشياء عاديه .. ويصدرولك البطاقه في نفس الوقت وتقدر تغير رقمها السري
من مكينة السحب بالخارج واذا بغيت تودع فلوس بالحساب مايحتاج تروح للبنك المكينة فيها كل شي ايداع وسحب
وافضل بنك اشوفه KASIKORNBANK علامته خضراء وهذي صورة البنك

delar2000
ما شاء الله عليك اخي ديلر جزاكم الله كل خير معلومه مهمه إستفدنا منكم وكنا محتاجين لشخص جرب وعارف وطلعت المسأله بسيطه زي اي بنك عندنا ودمتم بعافية

delar2000
جزاك الله الف خير وعسى الله يرحم والديك دنيا واخره وهذه المعلومات التي اريدها سهله ومن غير تعقيدات .
وبما ان المسائل النقديه مهمه جدا للمسافرين العرب ارجو الاسترسال بهذا الموضوع المهم وذكر ادق التفاصيل .
اخي الكريم انني من الكويت وعندي فيزا الخير وهي فيزا غير ربويه !!!
هل يوجد ببتايا شئ من هذا القبيل اقصد فيزا من غير فوائد او على سبيل المثال فيزا لدفع رسوم السياحه من فنادق الخ الخ واخيرا وليس اخرا ان شاء الله ارجو من الاخوة الكرام التفاعل مع هذا الموضوع الحيوي المهم جدا وبارك الله فيكم.

sirss1960
ويجزيك بمثله ومشكور على الدعوه
اخوي منت محتاج تطلع فيزا لان البطاقه نفس بطاقات الكويت عندنا مثل الكينت تقدر تدفع فيها الفنادق
ورسوم السياحيه الخ ....
واذا سحبت من صرافه غير بنك ياخذون عموله افتكر 20 بات نفس حال الكويت 200 فلس

delar2000
معلش يااخ ديلر اتعبتك معي
عندك فكرة عن بطاقات اكسبيديا للدفع عبر النت ؟

sirss1960
لاوالله ماعندي فكرة عنها انا استخدم بطاقت الوطني ( شوبنق انترنت )