وعليكم السلام ورحمة الله وبركاته
بالنسبه لأي وسيلة نقل ...هناك من ينصح بالقطار وآخر ينصح بالسياره ....والقطار من كازا الى مراكش اما لاغادير فلايوجد
والبلد آمن بإذن الله بالسياره وغيره
والفلل اسعارها تتفاوت مابين 150$ وانت طالع والشقق بحد أدنى تقريبا 500 درهم وبحسب الشقه او الفيلا من ناحية الموقع والمساحه والاثاث

وعليكم السلام ورحمه الله وبركاته
اعتقد ان 14 يوم قليله على انك تزور مدن في اقصى الشمال مثل طنجة ومدينة في اقصى الجنوب مثل اغادير
في رائي لو تحصرونها في طنجة لان جوها الان افضل من اغادير وتزورن بعض المدن الشمالية مثل ايفران وفاس والرباط وكازا وتخلون اغادير للرحلات القادمة ان شاء الله
واشوف انسب شيء انكم تستاجرون سيارة وتقودنها انتم بانفسكم ولا مع سائق
والقطار ممل نوعا ما لكثرة التوقفات
وتحياتي لك ...

اخوي المغترب واخوي غريب الدار شكر كلم رردودكم على موضوعي
وبالنسبه للمدة فعلا قصيره فمادري وش رايكم لو خليتها على كازا واغاديار ونزور القرى الي حولهم
وبالنسبهاخوي للسعار الففل والشقق الي قلتهم في اغادير والا في وين؟؟
كم تكلفة الطاكسي من كازا الى اغادير؟؟؟
وبعدين ياخواني نا سويت هالبرنامج ابي اخذ رايك فيه
الوصول الى كازاز وبنجلس فيها اربع ايام بعدين نطلع اغادير ونجلس فيها تقريبا 7 ايام وبعدين العوده الى كازاز والجلوس فيها 3 ايام تقريبا وخلال هالفتره راحنزور المدن القريبه منهم بحيث كل يوم نطلع بالسياره نزور قريه
مثل الجديه ومراكش والصويره من غاداير والرباط وغيرها من كازا
وشاكر لكم ردكم مره ثانيه

الأخ شليويح
الأسعار تقريبا في طنجه والرباط واغادير وكازا متقاربه وممكن تلقى أرخص بشوي....وهذا متوسط الأسعار على ما أعرف.....والتاكسي من كازا لأغادير بصراحه ماعندي فكره المره الوحيده اللي رحت فيها بطاكسي هي من كازا الى الرباط وكانت ب 400 درهم
وفكرتك لاباس فيها ولو توفر من القعده بكازا وتاخذلك كم يوم بمراكش اعتقد بتكون احلى مع اني مازرت مراكش ولكن من اللي سمعته عنها من الإخوان.

تاكسي من كازا لأغادير وشولة ياخوي خذ رحلة بالطيارة وقضينا .

اخوي الكريم
مثل ما قال اخونا غريب الدار بالنسبة لوسائل النقل
" بالنسبه لأي وسيلة نقل ...هناك من ينصح بالقطار وآخر ينصح بالسياره ....والقطار من كازا الى مراكش اما لاغادير فلايوجد " والبلد آمن بإذن الله بالسياره وغيره
فعلا انا جربت السيارة ( الطاكسي ) وجربت القطار من كازا لمراكش والعكس ( من سنتين )
كلهم سواء -
وفعلا البلد آمن بأية وسيلة نقل - " عاد كانوا معاي ناس مغاربة يعني من بلادهم "
ومراكش راح تستانس فيها - لا تنسى تروح ساحة الفنا ( عاد بالليل مهب بالنهار )
ورحلة موفقة ان شاء الله

اخوي غريب الدار مشكور وماقصرت مدري اخوي احس ان مراكش يوم يكفيها
بس راح اتعبث بالنت واشوف بعد وش احسن لاني فكرت اقعد بالرباط بدال كازا
وشاكر لك ردي يالغالي
اخوي عزيز البركاني ليش انا بروح بالسياره اول شي بالسياره اقرب من القطار لان القطار راح يودينا مراكش ومن مراكش ناخذ سياره او باص الى اغادير بعدين اذا حنا اربعه
راح تفرق اسعار التذاكر يعني لو قلنا سعر التذكره 630*4=2520 ريال يعني كم درهم تطلع عليك الحسبه
بعدين بيني وبينك انا احب السفر بالسياره لاني رح اتمشى واشوف المناظر
ويعطيك العافيه اخوي عزيز على ردودك وياليت اذا عندك اي خلفيه عن السكن في اغادير من ناحية الفل والشققه واسعارها لان حنا نبروح 5 اشخاص ان شاء الله وشاكر لك مره ثانيه
شاكر لاك اختي ام الزين وماقصرتي بس مادري كم خذا عليك الطاكسي من كازا الى اغادير وشاكر لك مره ثانيه