احس جاني لحسة بمخي شلون فندق بالشانز يطل على ايفل :/
الله يثبتك بس ترا محد متشدد على تغطية الوجه اشوفهم متنقبات
ولما دخلنا المطار فيه وحده كانت متلثمه ماقالولها شي اني وي تاكدي
الشانز فيه مطاعم ومقاهي وسيفورا ونهايته اللوفر وفوقه قوس النصر
يعني قوس النصر بس تطالعين فيه مافيه شي يشد واذا بتطلعين له شفت ناس طالعين
بس ماحسه يحمسس ثاني شي قلبي ايفل يمديك تروحين له بنفس اليوم او انك تكملينه باللوفر
حتى لو مادخلتي اللوفر ترا جنبه حديقه حلوه اجلسي عندها تقهوي
ديزني لاند قبلها الاوت ليت روحي له اذا تبين شوبنق بس ترا ماحولك احد طقينا مشوار له وتهزأنا وعودنا
ديزني لاند اذا معكم بزارين روحولها مامعكم لاتروحين < نفسيه ههه
لا صدق روحي لها بتسانسين والله
روحي للاوبرا هناك الجاليري لافييت
حول الجاليري محلات ومطاعم واشياء حلوه
شنغن فيزا ياقلبي لدخولك باريس ماتدخلينها الا بهالفيزا تروحين لاي مكتب ثقه ركزي ع ثقه تعطينه جوازاتكم
وقولي نبي فيزا دخول شنغن .. فيزا لندن غيير
التنقل عن طريق قطار مدته ساعتين وربع الظاهر
التكلفه .. تذاكر طيران اسالي المكتب كم تطلع لكم
احنا طلعت لنا ب 16 الظاهر
الفندق على حسب كم تجلسون فيه وكم يوم
صرفياتكم وش تاكلون ووش تتشترون
تنقلاتكم بالميتروو
الفندق ماعندي خلفيه بفنادق الشانز
ذاتس ات ورحله سعيده والله يهنيك ويبارك لك
وادعي لي بتسيير اموري

فيزا فرنسا غير عن فيزا لندن
لا تضيعون الايام في التنقل يعني خلصو من لندن وبعدين نزلوا باريس ماله داعي الرجوع للندن مع انه شخصيا افضل تبدون بباريس والعوده تكون من لندن

ههه معليش اختي نوره من السرعه نسيت افهمك وش اقصد اقول وش احسن اخذ فندق من الشانز او فندق مطل ع ايفل
ديزني لاند مامعنا بزارين :/ والناس تقول روحوا حتى لو مامعاكم اوت لايت ماودي اروح اتسوق يعني انا ماتحمس للتسوق
ثانيا ماعندي اي فكره عن جاليري لافييت متى يسكر ودي اروح له في اليوم الثالث بس هم يقولو الناس الاماكن المغلقه ممنوع تغطيه الوجه فيها ذا مثلا جاليري لافييت شفتي فيه منقبات او مغطيات وجيهم ولاحد قالهم شي ؟
والله يسهل امورك طبعا الشنغن شكلها لها سالفه t_t بقول اخوي يدبر لنا وطيب لو مثلا احط باريس مع رحله ثانيه يعني مع المانيا والنمسا وسويسرا وايطاليا يعني انا رتبت رحلتين وبشوف وش الانسب احط باريس معاهم ؟ لان مطار باريس يمنع كذا وماودي وادفع غرامه لهم
وشكرا لك يالي رديت بالرد الثاني

هلا قلبي ماشفت منقبات ب الجاليري لافييت بس شفتهم بالشانز وبالمطار وبكذا مكان ناسيتهم
جربي تشيلين النقاب والله ان يتوسع صدرك تحسين الهوا يهفهف عليك ههه استغفر الله
الجاليري زحمه وكل الماركات هناك يعني تبدين من الكبيره لين ترقين للصغيره
ديزني حلوه بس اقري وش انتي واقفه عنده لاتشوفين الناس صافين وتصفين معاهم تخيلي صفينا بلعبه ثلاث ساعات
ونحتري بس متى نلعب يوم جاء دورنا طلع تصوير مع اميره ديزني ؟؟؟؟؟ مانسى نظره امي لي
مالقاها الا اخوي طلع يعرفها واستانس عليها
لا حلو لندن وباريس بينهم ساعتين وشوي
بس لندن لها فيزا وباريس لها فيزا
الشنغن تدخلين فيها دول اوربا باريس سويسرا ايطاليا المانيا النمساا واسبانيا
واذا تبين تطلعين مثلا من سويسرا لباريس يبيلك بالقطار بينهم خمس ساعات الظاهر
يصير تاخذون شنغن متعدده يعني تدخلين وتطلعين وتدخلين
اذا ماتبين شغل الغرامه روحي لندن ترا حلوه بالعيد والصيف وحفلات وشغل يوسع الصدر
او روحي سويسرا وايطاليا حول بعض
بتنبسطين والله لاتشيلين هم اذا وصلتو لحل ارسلي لي خاص
بديت اقط معكم بسفرتكم خ
بالتوفيق حبيبتي

الله يوفقك اختي ههه اهم شي يهفهف عليك ؛ ام انا راح اكون متلثمه يعني احس افضل شوي من النقاب بنظرتهم مع اني احسه نفس الشيء بس احاول اقنع نفسي ^_^ انه غير
انا شايله هم الغرامه بس احس ثلاث ليالي شويه يعني غير ان قعدت ايام كثير بيلاحظوني () والجاليري احتمال كبير ماروح له
بس ممكن توضحين وش هي شنغن متعدده ؟
ياليتك تجين معنا ترا للحين قاعدين نخطط مافكرنا نروح

الشنغين متعدده يعني تروحين عدة مرات
والاغلب للخليج بلا شك متعدده
ان شاءالله ما فيه غرامه
ما عمري سمعت عن غرامه للخليجين