الحلحيل
و عليكم السلام اخي...
ما تخاف الامر سهل و ما يحتاج معرفه كبيره...
تروح من باريس من محطة غار دي نور gare du nord و تنزل في محطة سان بونكراس بلندن و الامر عادي...
في الذهاب بيكون فيه نقطة شرطه للحدود من ناحية فرنسا و اخرى بريطانية, يعني تقريبا مثل المطار...
من الشانز ممكن تاخذ تاكسي ل10 دقايق و تتكلف 15 يورو عالكثير او تاخذ القطار أ (RER A) من محطة جورج 5 و تنزل في شاتلي و تاخذ القطار د(RER D) في اتجاه كراي و تنزل بمحطة غار دي نور.
اتمنالك سفرة طيبه

رائع دائما يا ابو مالك في ردودك
شكرا لك وشكرا لصاحب الموضوع على طرحه
أدخلتم في عقولنا معلومات جديدة
شكرا

شكراً أخي العزيز بومالك على سرعة الرد وان شاءالله في ميزان حسناتك ....
شكرا على المداخله اخوي بلاوي (( وترى أنا زميلك في ال k o c ))

انا كان عندي نفس الاستفسار .... كم قيمة التذكرة واوقات القطار وكم ياخذ وقت ؟؟؟

جيوفيزيائي
الاسعار تبداء من29 باوند للاتجاه الواحد حسب الدرجة و وقت الحجز ( بدري اوفر اكثر)
اما الرحلات فهي متعدده في اليوم تقريبا خمس او اكثر يوميا ... بس لازم تحجز من بدري اذا كنت تخطط للسفر في الويك إند. مدة الرحله للاتجاه الواحد من ساعتين وربع الى ساعتين و خمس وعشرين دقيقة .. الجدول التالي فيه التفاصيل اكثر واضح

تحياتي

mbc54321
لا هنت ممكن الموقع هذا لاني ابي احجز من الحين لاني طلعت الفيزا اليوم وعندي حجز فندق ناقصي التذكره بس ابي اشتريها قبل اسافر لباريس من هنا احين .. هل هذا قطار او طيران ؟؟

جيوفيزيائي
هذا قطار يالغالي
هنا الرابط http://www.eurostar.com/dynamic/_SvBoAvailabilityTravelCriteriaTerm?_TMS=1227442601153&_DLG=SvBoAvailabilityTravelCriteriaTerm&_LANG=UK&_AGENCY=ESTAR

mbc54321
بارك الله فيك
اذا حجزت على النت اخذ برنت معاي الى المحطة
بعدين الصغار اش سالفتهم ......... وهل هناك اتجاهين
الله يخليك اكثر دقة ممكن لان وياي عيال وما ودي اتلعوز هناك

عزيز الشادي
ولا يهمك ....
هذي طريقة اسهل وهي الاتصال باحد الوكلاء المعتمدين
هذا هو رابط العناوين http://www.eurostar.com/dctm/html/book_other_countries.html
ما عليك الا تختار البلد الي انت فيه و تظهر لك قائمة بالوكلاء الي ممكن تشتري منهم التذاكر مباشرة
وهذي قائمة بالوكلاء المعتمدين بالسعودية

واذا تحب اشرح لك طريقة الحجز عن كطريق موقعهم .. حاضرين