برد ويحتاج ثقيله
الماريون اعتقد يمره باص رقم 14 وهو اللي يويدك للسنتر هذا الكلام اذا انت جاي من السنتر تبي تروح هناك
الفندق فيه باصات متعدده للتنقبل داخل المدينه او الوصول لديزني
وقتك كله بالمنتجع 10 أيام تو متش والله مو مستاهل الأمر بنظري حدها لا طال بوزها 3 ايام ديزني اذا معك اطفال بعدين تطفش

مشكور أخوي فيصل على الرد. أنا هذي السفرة خصصتها للأطفال ولا باريس توي راجع منها بس ماني عارف وين أوديهم في ذا البرد. مبدئيا خلنا نقول يومين أو 3 أيام ديزني. و يوم نتمشى في المجمع حق فال دو يوروب والأوت لت و ندخلهم الأكواريم. ويوم نتمشى في قرية ديزني ونركبهم المنطاد و ندخلهم سينما. باقي الأيام وين ناخذهم؟؟؟

بلاك توليب بما انك متواجد و انت تقريبا بتسافر معي بنفس الفترة يا ريت تشاركني جدولك و الاحتياطات اللي بتاخذها لاطفالك من ادوية ولبس..الخ

شوف توقيع شموخ فيه صيدليه المسافر وأول تقريرها لرحلتها بالصيف فيه اللي أخذت للرحله والله شيء كافي أعتبره
زين روح بروكسل ولا بروج بالقطار يعني كم يوم راح يبقي لك فاضي

ما قصرت يا فيصل

وأنا اتصفح المنتدى حصلت موضوع لوحدة من الاخوات زارت غابة فانس عن طريق الرير الى محطة نيشن وبعدين تبديل الى فانسن. ايش رايكم هل تصلح زيارتها في مثل هذا الوقت من العام و هل تصلح لاطفال اعمارهم 2 و4 سنوات؟
بالنسبه للمواصلات من و الى الماريوت هل هي سهلة بالباصات وهل يوجد شتل مجاني لديزني و مجمع فال دو يوروب؟ ارجو من الجميع الدخول و تقديم المساعده و الاقتراحات خاصة فيصل 2006 اللي ما قصر و بلاك توليب بما انه مسافر و معه اطفال و احلى معتز

تفضلوا رابط موضوعي المتعلق بنفس الرحله بالصور
جدول رحلتي الى ديزني خلال اجازة الحج لمدة عشر أيام بالصور - منتدى العرب المسافرون https://artravelers.com

مرحبا ..
داخلة ارد عليك لقيتك كاتب رد خاص لي
سفري معك بنفس الوقت ومعي طفلين اكبر من اطفالك حبتين 6 -8 سنوات
وهالاثنين اللي عندي مولعين بالسفر لدرجة احس اني علمتهم باد هابيت !
مصرين يدخلون اللوفر
بس عشان يشوفون الموناليزا !
وانا كل ما اتذكر الزحمة اقول لهم طيب وبخاطري اقول يارب ينسون
عشان كذا حطيت لهم جدول يشمل اهم معالم باريس لأنهم ماشاء الله عليهم مطلعين وعارفين
مبدئيا جدولي كالتالي بيكون ..
اول يوم الوصول مبكر جدا الساعة 7 الصباح بنسوي شيك ان وعلى طول على فرساي
بنرجع على الشانز ويمكن نطلع ايفل لو كان الجو يساعد _ كثير متخوفه من هالشي _ او ناخذ البوت في السين واحتمال نخليه لآخر يوم وداع باريس
ثاني يوم ديزني لاند البارك بس ويا دوب يكفينا
ثالث يوم طالعين لوكسمبورغ وراجعين نفس اليوم
يومين او ثلاث في باريس ما قررنا كيف نقضيها بتكون ما بين الشانز وقوس النصر ومتحف جريفن _ لو نسوا اللوفر _ والقاليري لا فاييت _ هذا حقي انا
بنطلع يوم جنيف ونرجع
بنروح ديزني لاند مرة ثانية الاستديو والفيلج
يومين بنقضيهم في باريس ممكن الاوت لت مع اني مو مرة متحمسة له بس على حسب الظروف هناك وتمشيات
في متحف علمي بس ما ادري اذا بيعجب اطفالك بحكم انهم اصغر عمرا .. انا ما قد رحته بحاول اروح له هالمرة
وبعدين باك هوم ..
متخوفة من ناحية الجو اول مرة اسافر لأوروبا بهالوقت ولو ما كان معي اطفال كان عادي لكن شايله همهم كثير
واتمنى ما يكون المطر عائق للتنقل رغم اني في ايطاليا شفت امطار في حياتي ما شفت مثلها ومعي اطفال ومع ذلك انبسطنا بشكل كبير
طبعا لابد من اخذ الاحتياط من ملابس ثقيلة واهم شي القبعات والشال والمتنز القفازات
والأدوية لازم شنطة احتياط لأي طارئ ويارب ما نحتاجها ولا تحتاجونها ..
هذا اللي في بالي حاليا .. لو تذكرت شي برجع لك اكيد
have a pleasent journey

طبعا باخذ معي عربية اطفال مع انهم كبار لكن متأكدة بحتاجها
شي صغير بس للجلوس وينام الظهر عشان لو نام احد فيهم
بالنسبة لك بيبي بعمر سنتين لازم العربية الكبيرة شوي مع شنطة اغراض كاملة وغيارات
بتكون معي شنطة صغيرة لغيار اضافي تعرف اطفال وكل شي قابل للحدوث
كل واحد منهم معاه شنطة باك باك صغيرة فيها تويز ودفتر صغير والوان
هذا الشي ينفع كثير يلهيهم في المطاعم واوقات الانتظار
باخذ معي شويه كيكات وشيبس وبسكوت احتياطا لو ما لقيت هناك شي كويس لأن اطفالي متعبين شوي ومو اي اكل يعجبهم ! حتى الشوكليت !
المظلات مهمة لا تنسونها وفيه غطاء بلاستيك يغطي العربية بالكامل تحتاجونه اتوقع عشان تتمشون بحرية وبدون ما تشيلون هم البيبي ..