السلام عليكم ...
سافرت على الاماراتية العام الماضي الى النمسا وكان مسار الرحلة .. الرياض _ دبي _ فينا _ ميونخ _ دبي _الرياض...
اقمنا ليلة في دبي في احد الفنادق القريبة من المطار وفي الصباح غادرنا الى فينا وكان المبيت على حساب الخطوط الاماراتية وفي رحلة العودة من ميونخ الى دبي جلسنا في المطار تقريبا ساعتين ثم اتجهنا الى الرياض....

بحسب ما سمعت هذه السنة أن الخطوط الإماراتية ألغت السكن هذه السنة
وسيكون السكن على حسابك !!

مرحبا اخوي انا بفيينا الحين وجيت على الخطوط الاماراتيه وتراها احسن من القطريه ولو ان كراسي السياحي ضيقه بس احسن بواجد من القطريه لان في قدام كل كرسي تلفزيون تتسلا فيه والخدمه صحيح انها ماهي 5ستار بس اوكي والاكل ماشي حاله يقدمون وجبتين ××كل من ماكدونالدز××اللي بالمطار وسد جوعك احسن لك والمده 5 ساعات ونص وعلى فكره اخوي الاماراتيه مااتئمن لك مبيت المبيت على حسابك حتى اللي على البزنس بعد مافي مبيت

أخوي الله يعافيك ياليزيد . أنا رحت على الخطوط الإماراتية في شهر أبريل ( الرياض - دبي-فيينا-دبي-الرياض) في الذهاب توصل دبي الساعة الحادية عشر ليلاً وتسكن على حسابك ورحلتك اليوم الثاني الساعة التاسعة صباحاً يعني لازم تكون في المطار الساعة السابعة , نصيحتي خذلك تكسي وعلى طول شارع الرقة بمائتين درهم ومش حالك اما في العودة تكون الرحلة من فيينا الساعة 3 والوصول إلى دبي الساعة 8 وتركب الباص الخاص بفندق ميليلوم ويوديك الفندق قريب ما هو بعيد قريب من البستان والفندق مجاني على حسابهم وروعه ونظيف بشكل ما تتخيل ويعطونك أربع كروت ( فطور - غداء - عشاء -قهوة) بوفية مفتوح على كيف كيفك , ومن بكرة الساعة 10 بتلقي باص موقف ياخذك مجاني يوديك للسيتي سنتر للساعة 1 , وتطلع من الفندق بكرة الساعة 2 ورحلتك الساعة 4 .
بس نصيحة أخوي من الرياض اشحن عفشك لفيينا ومن فيينا اشحن عفشك للرياض دايركت وخذلك غيارين أو غيار واحد علشان ما تتبهذل فيه من كل طياره وتنتظر اسأل مجرب .

مثلما تفضلوا الاخوان
ابتداءاً من 1 مايو 2006 الغت الاماراتية السكن المصاحب للترانزيت
تحياتي

سافرت الى فيننا على الخطوط الأماراتية بتاريخ 18 يونيو 2006 .
وكان خط السير جدة - دبي - فيننا - دبي - جدة
الوصول الى دبي في الذهاب الساعة 12 ليلا و الأقلاع غدا الساعة التاسعة صباحا .
لقد تم اخذنا بالباص الخاص بفندق ملينيوم المطار و أقمنا في هذا الفندق مع توفير وجبة خفيفة في المساء ووجبة فطور في اليوم التالي .
وفي العودة تم نفس الشيء مع توفير وجبة خفيفة في المساء ووجبتي الفطور والغداء في اليوم التالي حيث كان الأقلاع الى السعودية في الساعة الخامسة عصرا .
وكله على حساب طيران الأمارات
تحياتي لك و بالتوفيق

اذا فيه ليله لازم تاخذ الفاوتشر حق الفندق ولا تكون مثلي
ترا لعب علي الموظف حق الطيار الله لا يوفقه
قالي تقدر تاخذه من الإماراتيه
فتاكد من أخذ الفاوتشر من عند الشركة الي انت حجزت منها ولا تثق بكلام أحد إلا ومعك اوراق بيدك
ترا حصلي موقف غبي بالمطار وانكبت في الذهاب وقالو لي في العودة عندك اقامه ويوم رجعت بالعودة قالو ما عندك شي وين الفاوتشر
والإداريين في الاماراتيه من السيرلنكيين اللي انفسهم شينه يعني انسى احد يخدمك بالموضوع
واذا ما فيه حجز دبر لك حجز على فندق المطار وانت في بلدك أو من النت لان السعر يفرق كثير
قبل لا انسى اذكر فيه رحلة تطلع على فينا الساعه 2 بالليل تفاجأت فيها أول ما نزلت مطار دبي العام الماضي وما احد قالي عنها
شوف اذا ممكن تروح عليها بتكون رهيبه

أبو غزاي
تقصد اشحن عفشي من الرياض لفيينا
طيب تغيير الطياره بدبي هل عفشي بيكون فيها
ام اجده بفيينا

حجزت من مكتب الطيار واخبرني
بان المبيت راح يكون على حسابي ولمدة 12 ساعة .
طبعا بما انها الزيارة الاولى للامارات استغليت الفرصة
البقا يومين ثمن التوجة لفيينا اليوم الثالث