mizo_rony
19-04-2022 - 10:10 am
السلام عليكم ياريت كل من سافر الي طابا او يعرف معلومة عنها يساعدني وياريت لو في تقرير عن فندق واسماء الفنادق وايه النشاطات اللي هناك لاني رايحه شهر عسل شرم الشيخ من 18-7 حتي 25-7 وعندي يومين من تاريخ 16 و17 و18 امشي من الفندق انا قولت طابا لانها جديدة واحنا مرحونهاش قبل كده ولا انا ولا جوزي ومينفعش اغير المواعيد بتاعه شرم يعني عندي ليلتين 16 و17 ايه رايكم نقضيهم في طابا وبعد اليلتين نروح علي شرم الشيخ احنا حجزين في بانوراما نعمه باي خلف تروبيكانا روزيتا وهو اسبوع من تايم شير ياريت تساعدوني بالنسبة لطابا ولو في مكان ممكن نبدله بدل طابا ياريت تقترحوا عليا وهل فعلا في عبارة ممكن اخدها من طابا لشرم ولا لا و اسفة طولت عليكم.
واحسن فندق هناك وعن تجربة هو سوفى تيل طابا هايتس وفى فندق تانى جربته اسمه الوكالة ودا رخيص شوية بس الجو هناك جميل جدا والديكور روعة بس دوشة شوية لانه بيعمل نشاطات كتيرة
النص تانى من طابا وهو اجمل بكتير طبعا لانه عالحدود خبط لزق مع اسرائيل وهو فيه جزيرة فرعون وفيه مناطق جميلة جدا جدا فالمنطقة دى يا ستى فيها حوالى 4 او 5 فنادق احسنهم من وجهة نظرى وعن تجربة بردو هو فندق هيلتون طابا الشهير جدا ...اولا لأنه يعتبر اخر مكان فى مصر فا مكانه روعة والطريق اليه ممتع جدا بالليل او بالنهار .. ثانيا لان ما فيش مصريين ولا عرب كتير هناك فا الجو مريح بعض الشىء وها تحسى انك برا مصر مؤقتا .. بس الخدمة فى الفندق بصراحة مش ممتازة ولا الاكل كمان هو اميز حاجة فيه موقعه الساحر بجد ... وفى فندق تانى اسمه توبيا وما انصحكيش بيه لان ما فيهوش اصلا شط لازم تعدى الناحية التانية عشان تنزلى البحر ودى كارثة طبعا وفى فندق موفمبيك وهو منافس للهيلتون وعن نفسى ما دخلتوش ولا جربته وفى فندق 3 نجوم تبع القوات المسلحة تقريبا بس مش عارف اسمه وموقعه ممتاز جدا على فكرة بس المشكلة فى الخدمات والنضافة وكدا
نصيحة منى بجد ... انزلو فى هيلتون طابا على ضمانتى وان شاء الله تقضو ايام حلوة جدا مش ها تتنسى ..
ولازم تروحو جزيرة فرعون وصلاح الدين وجزيرة فيورد لازم مش ها تندمو ابدا
واى استفسار بخصوص طابا انا موجود لانى بعشق المدينة دى