بنت غزة
28-03-2022 - 07:07 am
مرحبا.. أول شي أنا كتير حابة أشكر المنتدى الرائع و المشرفين عليه و كل من ساعدني دوما في الإجابة على استفساراتي..
سفرنا أنا و زوجي و أطفالي الاثنين قرب.. الأسبوع الجاي بإذن الله.. حابة أستفسر منكم عن بعض الأشياء أرجو انكم تساعدوني.. و هاي طبعا مش أول مرة أستفسر و بعرف ما رح تخذلوني و زي ما انتو عارفين رحلتنا لأسطنبول لمدة 9 أيام
الاستفسار الأول: هل بيسوى انو نروح أبانت و نرجع بنفس اليوم.. يعني كم المسافة بين أبانت و اسطنبول و هل تستحق منا انو احنا نروحها.. و في حال قررنا نروحها يوم واحد من غير مبيت شو ممكن نعمل هناك ووين نروح بحيث نستفيد من اليوم بشكل حلو.و قديش ممكن يكلفنا هادا اليوم
الاستفسار الثاني:سمعت عن الأكواريوم "اللي فيها الحيوانات البحرية" كيف ممكن أروح الها من تقسيم؟ و قديش تذكرة الدخول ؟ و هل لازم حجز و لا كيف؟
الاستفسار الثالث: حابين نروح عروض الدلافين و مش عارفين الطريقة؟ و المشكلة الروابط الخاصة بهالمواضيع كلها مواقع باللغة التركية
الاستفسار الرابع: بازار الجمعة الموجود في منطقة فندقزادة، من أي ساعة لأي ساعة بيفتح؟ و كيف ممكن نروحله من تقسيم؟
الاستفسار الخامس: دلوني وين ممكن ألاقي ملابس شتوية للكبار و للأطفال؟ خصوصا انو موسم صيف و بعرف الشغلة صعبة
الاستفسار السادس: مدينة أكوا مارين المائية.. كيف بنقدر نروح الها من تقسيم؟ و قديش رسوم الدخول الها؟
الاستفسار السابع: مصنع الحرير في بورصة؟ هل أسعاره كويسة؟ و هل هو نفسه اللي بنلاقي فيه المناشف و الشراشف؟
سامحوني استفساراتي كتير و بتوقع مش حتكون الأخيرة بس بعرف ما رح تبخلو علي
الاستفسار الخامس : عندك السوق يقع خلف السوق المصري مباشرة في منطقة أمينونو
الاستفسار السابع : عبارة عن مركز وسعره مناسب