اخي الكريم اولاً انا لست بخبير بمسألة السفر الى تايلاند وباذن الله رحلتي يوم الجمعه القادمه وهي اول رحله لي لتايلاند ، ولكني سافيدك من واقع ما وصل الي من معلومات من كثير ممن سبق لهم السفر .
اخي موظف الجوازات في المطار غير مخول بسؤالك عن سبب السفر او منعك من السفر خاصة وان هنالك من يحصل على تصريح للسفر الى تايلاند في الوقت الحالي ( السفر لغرض التجاره او العلاج ) وانما الجهه المسئوله عن محاسبة المسافر وسؤاله عن سبب السفر هي ادارة الجوازات عند تجديد الجواز فإن وجد المبرر انتهى الامر او يحاسب صاحب الجواز .
وللمعلوميه حسب ما بلغني فإن الخطوط السعوديه بدات تسير رحلات لها من الرياض الى بانكوك مباشرة ..
وان شاء الله الاخوان ممن سبق لهم السفر نجد لديهم افاده وتاكيد للامر ...

ياخي ماعمره سأل موظف الجوازات عن سفرك لأي جهةيختم وهو مغمض عيونه
بعضهم بس لقافه يبي يعرف وين انت مسافر
انت عطه التذكره و عطه البوردنق حق الرياض- بومبي و ماأعتقد راح يدقق على التأشيره او غيرها

هلا بك اخوي
انا ماعمر الجوازات سألوني وين رايح والا وين الفيزا
اللي يسأل عن الفيزا موظف الخطوط عادة ..
الجوازات ماله علاقة بأي حاجة غير ان يكون معاك بوردينق وجوازك ساري المفعول وبس

3arif
سلام عليكم
هل صحيح اخوي بإنه تم تسير رحلات من الرياض إلى بانكوك بخط طيران مباشر
اتمنى الإفاده بخصوص هذا الموضوع ومن متى ؟؟؟؟؟
تقبل تحياتي

طيب السفر الى تايلاند وممنوع لماذا توجد سفارة وقنصلية لهذه الدولة في المملكة ؟ واذا كان ممنوع فعلا اطلبو مغادرتهم من المملكة ولهم الحق في مسالتنا ؟ انا اتصلت بالقنصلية بجدة وسالتهم عن موضوع السفر والمنع قال لي بالحرف الواحد هذه مشكلة حكومتكم مع شعبنا حلوها انتم مع حكومتكم فقلت اوك واقفلت السماعة لم اعرف الرد طبعا؟ واتسال ماهو العقاب الاداري الذي يحصل عليه المواطن السعودي لو سافر؟ وهل ممكن ان يطلب الشخص من سلطات المطار في تايلاند ان يلصقو التاشيرة في اخر الجواز مثلا؟ يعني عشان مايتفلسف الموظف في المطار لما يرجع الانسان من تايلند ؟

الديك الأحمر
اخي انا ذكرت بانه حسب ما بلغني ولكن لست متأكد من المعلومه ( المعلومه سمعتها من شخص يعمل في احدى وكالات السفر الكبيره بمدينة جده )
ولا تنسى اخي بانه التبادل التجاري مسموح وهو سبب وجود سفاره وقنصليه لدينا واعتقد ان السفاره السعوديه هناك تعمل ويوجد لنا تمثيل دبلوماسي هناك ..علماً بانني سبق وبحت في موقع الخطوط السعوديه ولم اجد رحلات ، قد يكون هناك خط رحلات مسير ولكنه مقتصر لمن لديهم تصريح سفر من تجار ورجال اعمال - مجرد تحليل شخصي -
تحياتي

السلام عليكم اخوي انا سافرت علي الخطوط العمانيه في شهر السنه الماضيه ولااحد كلمني وعطوني اثنين بوردينق في مطار الرياض ولا احد كلمني .. انت ما عليك سافر ولا تشيل هم ومثل ما قالوا الاخوان عند كاونتر الجوازات عطه بوردينق حق بومبي واذا سالك قله مسافر بومبي وبس!
تروح وترجع بالسلامه