السلام عليكم ورحمة الله وبركاته ..
عندي استفسارات واتمنى انكم تساعدوني، الزعيمه وكل من له تجربه في ايطاليا ..
لاني مسافره ويا الاهل لايطاليا ان شاءالله تاريخ 1_7_2010 .. لما سمعته عن ايطاليا وجمالها ..
لكن انصدمت بعد مادخلت المنتدى .. الاغلبيه للأسف تشكو من ايطاليا !!
حسيت اني توهقت وان الفاس طاحت فالراس
..
المشكله اني انا اللي رشحت ايطاليا للسفر لها > < !! .. وباجر الوالد بيحجز ..
الرحله اسبوع فقط وبتكون في ثلاث مناطق ( روما - فنيسيا - ميلان )
يومين في روما و3 ايام في فينيسا و يومين في ميلانو ..
استفساراتي ..
1 - اين الاماكن السياحيه في هذه المناطق مع العلم اننا لانحب الآثار !!
الاماكن السياحية والاثار اكثرها في روما......
2- سمعت ان ايطاليا حرها مب طبيعي، فهل حرها مثل حر الخليج
؟
حر ايطاليا يوصل الى 35 درجة بالنهار بس بالليل الجو حلو......
بس انا اتكلم عن الشمال في روما حرها لا يطاق في الصيف
3- خاطري ازور ملاهي، وشاهدت في تقرير الزعيمه ملاهي غاردا لاند!! هل تنصحوني فيها؟
الملاهي ....جاردا لاند.....حلوة مرة لا تفوتك.....انا ماقدرت اغطيها كلها...
4- هل صحيح ان ايطاليا فقيره من ناحية الطبيعه ؟
ايطاليا من ناحية الطبيعة عادية جدا......يعني ما تجين تقارنيها بالنمسا.....هذيك جنه في الارض
5 - شنو سالفة الدومو او ماعرف شنو اسمها بالضبط !! واين تقع لاني اشوف الاعضاء يمدحونها هل هي السنتر ؟ >

بتكلم عن ميلان بس لانها المكان الوحيد اللي شفته في ايطاليا
ميلان مافيها طبيعه كلش .. بس سوق .. و اونس شي بوينس ايروس بالرغم من انه يعتبر شارع التسوق الثاني في ميلان بعد الدومو
مطاعمها بوجه عام غاليه بس روعه .. لاتتضايقين مايمنع انج تشوفونها كلها يومين اكتشفي بلاد جديده ..

الزعيمه
مشكوره اختي على ردج ومساعدتي .. يعطيج الف عافيه ^^
بس عندي سؤال .. هل جاردا لاند في ميلان وهل هي بعيده او قريبه من السنتر ؟
كاس عسل
تسلمين يا عسل على ردج .. ماتقصرين ، خليتيني اتفائل والله لوول ..

عزيزتي اللندنيه :
ولا تتضايقين ولا شئ ,,, أنا من رأئ كاس عسل , الإكتشاف شي جميل!!
وتبقى إيطاليا وجهة سياحية عالمية صيفاً وشتاءً حراً وبرداً,,
وبصراحة أنا زرتها الصيف الماضي وطلعت بعدها النمسا وسويسرا وفرنسا
وكلهم استمتعت فيهم ع الآخر والحمدلله
لكن
بعد مارديت من السفر ماتمنيت أرجع إلا لإيطاليا( وللناس فيما يعشقون مذاهب)
وبالنسبة للحر لا تفكرين إن حرهم مثل حرنا مهما كان أبداً أبداً أبداً
!!!
وحلو إنك بتروحين روما أول شئ وبعدها فينيس وميلان عشان تنسين حرها,,
بالتوفيق أختي ,,
وأما سؤالك عن جاردا لاند فنعم أقرب مدينة لها ميلان بحدود ساعة
وفيه رحلات لها تطلع من ميلان بعدة وسائل مواصلات(إذا ما معك سيارة)
أنت روحي محطة القطار سنترال ستيشن وشوفي الوسيلة والوقت اللي يناسبك.

اختي اللندنيه
انا عن نفسي
اعشق ايطاليا
ورحتلها الصيف الي فات و انشالله الصيف هاذا رايحين
من ناحيت الجو كان عادي بالنسبه لي اكيد ما يتقارن بحر الخليج !!
و عن ميلان : التسويق فيها خطي ير ... و الاسعار من شهر 7 الى 8 ميلادي تجنن
البونس ايروس على قولت نوف مره التسويق في حلو انا عجبني اكثر من الدومو
انا جلست في ميلان اسبوع ولا مليت منها بالعكس ودي اروحها كل صيف !!!
و انشالله هاذا الصيف بنروح
و انا اشوف انك تخلين
3 ايام روما وا 2 فينيسيا و 2 ميلانو
او 3 ميلانو و 2 فينيسيا و 2 روما
لان فينيسيا مافيها تسويق ولا شي
بس الساحه و الجندولا و كذا اشوف انه يومين كفايه
و انشالله اكون فدتك .. رحله سعيده

نوف
اشكرج اختي على الرد وعلى رفع معنوياتي يعطيج الف عافيه ^^..
امس كنت اتصفح المواضيع وردود الاعضاء .. يقولون ان ايطاليا كئيبه وموحشه حسسوني انها الصومال @@
بس بعد ردوودكم خليتوني اتفائل ، يعطيج الف عافيه ..
sorriso
اشكرج اختي على ردج واتمنى لج رحله موفقه بإذن الله ..
بس الاعضاء حسسوني اني مابشتري شي من ميلان بسبب غلائها >< .. حسيت ان بس اصحاب الملاين هم اللي يتسوقون في ميلان >< ..
.
.
عندي اسفسارت اتمنى تجاوبوني عليها واسفه ع الازعاج مره ثانيه لان توني اكتشف هالمناطق >< ..
بسئلكم عن بحيرة البابا او بحيرة كاستيل جاندولفو هل هي في روما
وكيف اوصل لها ؟
ومنطقة ال كومو هل هي بالقرب من ميلان وكم تبعد عنها ؟ هل تنصحوني فيها وكيف اوصل لها ؟
وبصراحه انا شفت صور ل بيلاجو ، حسيت انها روعه .. هل هي قريبه من ميلان وكيف اقدر اوصلها ؟
.
.

هلا
كومو....مدينة صغيرة تبعد عن ميلان ساعة الاربع او اقل.....
وبيلاجو مدينة سياحية بالقرب من كومو......
المدينة حلوة تخلصينها بنصف نهار.....انا رحت كومو وبيلاجو بيوم واحد......بس للمعلومية هي معيشتها غالية
تقريري الاخير في صور عن بيلاجو وكومو,,,,,

الزعيمه ، كاس عسل ، نوف ، sorriso
شكراً جزيلا لكم على المساعده .. الله يعطيكم العافيه
ساعدتوني وايد ..
صباح الجمعه مسافرين ان شاءالله دعواتكم لنا ..